Курс валют
$
67.75
0.44
79.17
0.18
Курс валют
Курс валют
$
67.75
0.44
79.17
0.18
Меню
Поиск по сайту

Самаайап дьокутааттан үтүрүлүннэ

10.09.2018 10:56 2
Самаайап дьокутааттан  үтүрүлүннэ

Куоластааһын түмүгэр бааһыы суох. Быыбардааччыларга хом санаа мин төбөбөр уөскээбэт. Баар балаһыанньа маннык буоллаҕа дии.

Ол эрэн быыбар иһин-таһын эриэнин анаарыы тугу этэрий?

Уокурук таһымынан, ол эбэтэр Үөһээ Бүлүүгэ итиэннэ Горнайга улуус былааһын утары дьайыыта ордук баһыйда.

Быыбарга талыы баара-суоҕа туохтан тутулуктааҕын көрдөххө сүрүн үтүрүйээччинэн былаас баартыйата буолла. Кини соруйан да, сорунан даҕаны биир мандааттаах уокурукка Габышеваны утары туруоран былаас трибунатыгар Самаайабы чугаһаппат соругун ситистэ.

Баартыйа испииһэгэр баар, онон ааһара эрдэттэн биллэр киһини утары туруоруу – бу дьон билинэр киһитин дьокутааттан тохтотуу ньымата.

Дьиҥинэн былаас хайа да таһыма уопсастыбанньык киһини кытта дьүөрэлэһэ сатыахтаах этэ.

Оннук буолбата. Былаас наадыйбата, үтүрүйдэ.

Мин син биир Самаайабы, үтүмэн үгүс саха курдук, кини норуотун туһугар туруулаһар, өрөспүүбүлүкэҕэ олус наадалаах киһи диэн санаабар хаалабын. Ил Түмэҥҥэ суох буоларын сөбүлээбэппин.

 

Быыбарга  кыттыы туһунан

Даҕатан эттэххэ маннык. Быыбары былаас хайдах дьаһайан ыытта да, дьон-норуот оннук сыһыаннаста.

Быыбарга кыттыы адьас мөлтөх – ол норуот былааска эрэлэ биллэ кыччаабытын, эрэммэтин көрдөрөр.

Онуоха эбии тус көрүүлээх, актыыбынай бэлиитиктэри Эрнст Березкины, Владимир Федоровы бэйэ киһитэ, истигэн буолбатахтар диэн эрдэттэн баартыйа – былаас ресурсатын туһанан туоратыы дьон кэлэйиитин күүһүртэ.

Киин куорат дьоно ону кытта сөбүлэспэтин биллэрдэ.

Мин Федоровка мээргэ киирсэр буоллаххына итэҕэллээх киһи буолуом диэбитим. Куоракка хаһаайыстыбаннай көрүүлээх салайааччы наада диэммин.

Кинини туораппатахтара буоллар Дьокуускайга быыбарга кыттыы уон бырыһыантан тахсанан үрдүк буолуох этэ.

 

Саҥа лидер таҕыста

Буолан баран үрдүк бырыһыанынан.

Саҥа лидер үөскээтэ, норуот эппиэтинэскэ киллэрдэ, эрэбилин сыһыарда.

Ил Дарханынан талыллыбыт Айсен Сергеевич Николаев ыстааба быыбардааччылар киэн араҥаларыгар тиийэр быһаарар-өйдөтөр үлэни ситэтэ суох ыытта диэн сыаналыыбын. Итиэннэ промышленнай улуустар дьонугар агитация кыайан тиийбэтэ, тэриллибэтэ.

Ону сүрүн кандидакка 185 дуу, хас тыһыынча, толору чуолкайданнаҕына икки сүүсчэ эрэ тыһыынча быыбардааччы киниэхэ куоластаабыта туоһулуур.

Бу өрөспүүбүлүкэ уопсайа 624 тыһыынча быыбардааччытыттан үрдүгэ суох көрдөрүү.

Саҥа былаастан, саҥа лидертан уопсай интэриэскэ киэҥ толкуйдаах, дьону сомоҕолуур итэҕэтиилээх үлэ эрэйиллэр.

Айсен Сергеевич!

Эйигин Ил Дарханынан талыллыбыккынан э5эрдэлиибин, Өрөспүүбүлүкэбитин сайдыы суолугар киллэрэр күүстээх сорукка ситиһиини баҕарабын.

***

Дьөгүөр Бөтүрүөбүс Суркуоп.

Обсуждение • 2

Добавить комментарий
  1. УА

    Суркуоп Бүлүү бөлөхтөр курдук «бааһыы» диэбэтэ биллэр. Арааһа Ньурба кыыһа Туйаара бэйэтэ суруйбутугар майгынныыр.
    Туйаара, ким эрэ аатыттан суруйар буоллаххына түөлбэ тылларын учуоттуоххун. Уус Алданнар баайсыы дииллэр, бааһыы буолбатах.

  2. Бастакы хаар

    Агитация дьэ кирдээх эрэ отто костор.Хата ким туох аньыыла5а тахсан кэлэр.Аны кандитаттар улэлээн кэлэн баран бачча тухары хамнас бо5ото сиэн баран бугун кэлэн ону кыайам маны тутуом дииллэрэ суоргу.Ол тухары улэлээбэккэ кэлбиттэр дуо?!Ыьыах эрэ дуо?
    Промыш. рай. эьиги карикатурнай тойотторгут кэлэн позорис эрэ буолаллар.Туохха куолас биэриэхтээхтэрий.

Оставить комментарий