Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Сахалар абыраммыппыт

22.01.2020 15:09 10
Сахалар абыраммыппыт

Күн-түүн тупсан иһэбит.

Сахалар үтүө киһи тойон буоллаҕына, уруккуну-хойуккуну ырытан, ааспыты-умнуллубуту сөргүтэн, быылын тэбээн, сахсыйан уруулуу утум көрдүүр үгэстээхпит.

Арассыыйа Хотун саҥа салалтатын уҥа-хаҥас эргитэн биһиги да бэйэбитигэр ханыылыы утаҕы буллахпыт ини. Инньэ гынан, бастатан туран, бырабыыталыстыба саҥа баһылыгын тойон Мишустины олох билэр киһибит диэхпитин сөп.

Михаил Мишустин, председатель правительства РФ

Андрей Федотов, постоянный представитель РС при президенте РФ

Бэркэ билэр киһибит Өндүрэй Һөдүөтэп, уруккута хомсомуол хоодуота, аныгыта Саха сирин  Москубаҕа бастайааннай бэрэстэбиитэлэ, наһаа да баһан “аллар атаһа” диэн эппэтэрбит да, чугас эрэнэр киһитэ диэххэ сөп эбит. Мишустин нолуок муҥур сулууспатын тойонунан олорон Сандамыын уолун Өндүрэйи Башкирия курдук сиргэ сүрүн дьаһаах хомуйааччынан анаан турар. Дойду хааһынатын толорууга, баайа-дуола үксүүрүгэр саха уолун анаабыта ол кини сахаларга олох чахчы итэҕэйэриттэн таҕыстаҕа.

Тупсубуппут бастакы төрүөтэ ити.

Михаил Мурашко, министр здравоохранения РФ

Вл.Чичигинаров, народный депутат ГС РС

Аны Болуодьа Чычыгынаарап дьокутаат уол бу сарсыарда алыс тупсаран турда. “Хоруупсуйа” дии-дии эмп тиэндэрин эргитэн аҕала-аҕала аны сирэйгэ киллиэйдээбэт буоллубут. Чыынын-хаанын төттөрү үрдэтэр түбүккэ түһэрбит дуу. Киһибит РФ Доруобуйатын харыстабылын миниистиринэн анаммыт Михаил Мурашконы урукку үлэтинэн бэркэ билсэр, тапсар киһитэ диэн буолла. Чычыгынаарап мантан антах куолаһа сонууһу, атаҕын тыаһа улаатыыһы.

Өссө биир үчүгэй сонун кэллэ – РФ просвещениетын миниистиринэн анаммыт,  урукку Рособрнадзор салайааччыта Сергей Кравцов олох да сахалар күтүөппүт буолан хаалла. Ол эрээри, хомойуох иһин, быыпсай. Ол да буоллар Кравцов бастакы кэргэнин – саха кыыһын уонна кини аймахтарын кытары бэрт истиҥ сыһыанын билигин да бүөбэйдээн илдьэ хаалбыт диэн кэпсииллэр.

Сергей Кравцов, министр просвещения РФ

Кравцов Саха сиригэр элбэхтик сылдьыбыт. Бэл, диэтэр биир институкка хамнас аҥаарыгар Москубаттан олорон үлэлии сылдьыбыт. Элбэх федеральнай чунуобунньук оннук гынар, баалаамаҥ диэн буолла.  Онон саҥа миниистир сахалар олорор усулуобуйаларын бэркэ билэр эбит.

Сарсын-өйүүн кимниин уруурҕаһарбыт өссө биллибэт. Сир төгүрүк, дойду гражданнара аһара элбэҕэ суохтар. Дьэ, бэрт, тупсарбыт хайҕаллаах дьыала буоллаҕа.

***

Бүөтүр Арыылаахап,

“Aartyk.Ru” анаан суруйда. 

Обсуждение • 10

Добавить комментарий
  1. Л

    Жизнь долгая. Урдээбит дьон атыннык сананналлара баар эбээт.

  2. соһуйбут

    )) Сотору, хайаан да Ньурбаттан төрүттээхтэрин төлөрүйбэт гына түөннүөхпүт!

  3. Учуей ди отто

    😂

  4. Балбал

    Чичигинаров араспаанньата Чычыгынаарап буолбатах, Чиччигинээрэп диэн, чиччигиниир диэнтэн ))

  5. Минсаха

    Бултата ынырбыттара буолуо дуо, Саха сиригэр? Чиччигинаарап булчут Елеенне Кырабашапкинныын бултаабыт буолуохтаах

  6. Дарья

    Уруу ыраа5а уу чугаha учугэй дииллэр этэ биhиги ебугэлэрбит))) уонна алаас алаастарынан тар5анан бэл кытайга тиийэ олорбуттар. Кытайга олорроччулары бу 90 сыллардаахха эрэ булбуттара.

  7. ТЭТИМ

    Кэм да барытын тиэрэ тутан туьэн.Оччо5о бу дьоммут быры да картель дьоно буолан тахсаллар эбит.Биир иьиттэн аьаан кэлбит.Онно туораттан туох уоруутэ баарый?! Туох да экон. финан. уорэ5э опыта суох дьон халы мааргы суруйара дьону буккуйан.Биир Габышевкыт да соп гынар курдук.Суруйалларынан саца дьон бары да айыылах харалаах курдуктар.Оссо да булуохтара.Бу тема арай СК-ы бэркэ сэргэтиэ.Махтал сурук биэриэ.

  8. стрелок

    туhата суох

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»