Курс валют
$
63.85
0.37
70.6
0.34
Курс валют
Курс валют
$
63.85
0.37
70.6
0.34
Меню
Поиск по сайту

Өлүөхүмэ улууһун баһылыгын быыбара сытыырхайан эрэр

26.08.2019 10:55 15
Өлүөхүмэ улууһун баһылыгын быыбара сытыырхайан эрэр

Балаҕан ыйын  8 күнүнээҕи муниципальнай быыбар чугаһаан истэҕин аайы кандидаттар киирсиилэрэ тыҥаатар тыҥаан иһэр.

Социалогическай ыйытык көрдөрөрүнэн, Өлүөхүмэ улууһун баһылыгын быыбарыгар киирсэ сылдьар кандидаттартан үс киһи араа-бараа иһэр: Эдуард Кондратьев, Николай Ефимов-Владимиров, Николай Харбин.

Бу дьонтон Өлүөхүмэҕэ биир киһи олорор – “Кладовая Олекмы” ХЭТ салайааччыта Николай Ефимов-Владимиров. Кондратьев үөрэх министиэристибэтиттэн ууратыллан баран “Сосновый Бор” оҕо лааҕырыгар “үлэ көстүөр диэри” быстах дириэктэр солбуйааччытынан анана сылдьыбыта. Онтон сайыҥҥыттан Аанньаахха аттанан баһылык солбуйааччытынан, салгыы баһылыгы быстах кэмҥэ солбуйар эбээһинэһи ылыммыта.

Кондратьевы Өлүөхүмэ баһылыгынан туруорарга аан бастаан Ольга Балабкина, республика правительствотын председателин солбуйааччыта тыл көтөхпүт дииллэр. “Биир хааннааҕын өйөөбүт” Алдантан төрүттээх дьахтар бэйэтин үлэтин-хамнаһын да кыайбакка сылдьан улуустар баһлыктарын быыбарыгар орооһорун сүөргү.

Улуус билиҥҥи баһылыгын Виктор Васильевы күүстэринэн уоппускаҕа ыыта-ыыта Кондратьевы анаан, былаас баартыйата административнай ресурсу кыайа-хото туттуон баҕарар сыаллаах. Ол да үрдүнэн, өлүөхүмэлэр, ордук нэһилиэктэр олохтоохторун улахан аҥаара Кондратьевы утарар: киһи да, салайааччы да быһыытынан майгыта мөлтөх диэн этэллэр. “Наар иккис сирэй оруолун толорбут киһи, хайдах да бастакы сирэй оруолун толорор кыаҕа суох”.

Үлэтэ суох чунуобунньугу үлэ миэстэтэ эрэ буллараары баһылыгынан таллара сатыыллара — Өлүөхүмэ курдук улахан, элбэх кыһалҕалаах, сир баайдаах, бөдөҥ промышленнай корпорациялар үлэлиир, ону таһынан төрүт дьарыктаах тыа хаһаайыстыбалаах улууһу чунуобунньук илиитигэр биэрэ сатыыллара олох өйдөммөт.

Итинник санаатахха, Николай Харбин диэн научнай институкка 20 сыл тухары биир дуоһунаска үлэлээбит киһи эмиэ улуус баһылыгар ханан да барсар кыаҕа суох. Наука диэн теория. Оттон улуус баһылыга диэн – практика. Харбин 20 сылы быһа младшай научнай сотрудниктан үөһэ тахсыбатаҕа да, аллараа түспэтэҕэ да үлэһит быһыытынан хайдаҕын ырылхайдык туоһулуур. Сатахха, “младшайтан” “ыстаарсай” дуоһунаһыгар тахсыбатах.

Харбин Дьокуускайга олорор. Быыбар кэмигэр төрөөбүт улууһугар тиийэн “сайдыылаах” научнай сотрудник “кирдээх технологияны”  туттан утарылаһааччыларын самнара сатыырын көрөн биир дойдулаахтарын бэлиэр кэлэппит.

Былырыыҥҥы Ил Түмэн быыбарыгар Ефимов-Владимиров утары эмиэ “компромат” туттуллубута.  Оччолорго “Биир ньыгыл Арассыыйа” баартыйа Ефимов-Владимировы өйөөн иһэн быыбар хара ортотуттан таҥнаран, Матвей Евсеев кандидатын – Арсентий Николаев диэки үҥкүрүс гынан биэрбитэ. Былаас сирэйэ итинник – ким харчылаах ол мандаты, солону, дуоһунаһы, чыыны-хааны талбыт атыылаһар.

Бу быыбарга Матвей Евсеев аны Кондратьевы өйөөбүт. “Порт реконструкциятыгар көрүллүбүт 2,7 млрд харчыга тииһинээри халыҥ харчылаахтар бэйэлэрин киһилэрин туруораллар дуо?” – диэн дьон таайа сатыыр. Дьэ, ким билэр, федеральнай харчыны маннааҕыларга мээнэ “хайыттарбаттара” буолуо, москубалар бэйэлэрэ холуун сүгэлээх  дьон буоллаҕа.

Харбин спонсордарыттан биирдэстэрэ — Новосибирскайга олорор предприниматель Андрей Тарасов. Омук ойохтоох бааһынай  Тарасов Саха сириттэн көспүтэ быданнаата. Дьокуускай куоратын Думатыгар “Гражданскай платформа” партия испииһэгинэн  быстах мандакка тиксэ сылдьыбыттаах. Депутаттаан даҕаны сессияҕа да, куорат олоҕор да көдьүүстээбитэ суох. Предприниматель бэйэтин интэриэһин көрүнэн Харбины улуус баһылыгар өйөөн эрэрин көрбүттэҕэр сэрэйбит ордук.

Бу үс үөһэ ааттаммыт дьону сэргэ, быыбарга өссө хас да саха кытта сылдьар. Ол быыһыгар тэрилтэ диэҥҥ үлэлээбтэх, уулуссаны кэрийэн миитини оҥорор дьахтар-кандидат кытары баар. Кондратьев утары куолаһы хайытар санаалаах хампаанньа барара көстөр. Хомуньуустар кими да туруорбатахтар – олохтоох отделение уонна республикатааҕы партия рескома тыл тылларыгар киирсибэтэхтэр. Анарааҥҥылар атыны, Губарев халлааны туойсан биир кандидаты булар кыахтарыттан тахсыбыттар.

***

Прокопий ФЕДОРОВ,

Aartyk.Ru

 

Обсуждение • 15

Добавить комментарий
  1. Сухарь

    О дьэ, ити Харбин курдук туох-да ча5ылхая киhи кыайда5ына дьэ кулуу саатыы буолар )))

  2. саханьюс

    Ээ Сулустаана кыайар

  3. Мааппа

    Оннук. Ити тоҕо Нутчина үөхпэтэ. Сулустана рейтина үрдүөҕэ диэн дуо ? Кып кыратык үөхпүттэр , куттаммыт оҕо курдук

  4. Исидэр

    Өлүөкмэ дьоно бэйэтэ быһаарынэ, бааламан

  5. Сэмэн

    Дьахталлар активнайдар, Сулустаана рейтина кунтэн кун улаатар. Единайдар хоттороллор, быыбардааччылар утарылар

  6. дии

    Звездный час Сулустааны

  7. Алекс

    Явно в основном пишут не Олёкменчане, так как Сулустану в олёкминских баталиях даже никто не вспоминает)))
    Есть три лидера Кондратев, Ефимов-Владимиров, Харбин — остальное шелуха. (спросите у любого Олёкминчанина)

  8. Кыыллаах

    Харбина сольют. Кондрашка победит.

  9. дед

    Там же еще один кандидат есть, по фамилии Поскачин, грят что он родственник главы Вервила Поскачина

  10. Николай

    Ол Сулустанаа торобут эрэ буруйдах ини Олоохунага

  11. Сэмэн

    Слова «ЕдиноРосс» стремительно становится ругательным

  12. Олег

    Шестаков есть ещё

  13. Сэрэйбит

    Кондратьев улэьит бе5е киьи, дьону кытта биир тылы булуу, кругозор, ей-санаа да мааны, бу анардас биир кандидаты ейуур сыаллаах суруллубут статья!

Оставить комментарий