Ньурба улууһун спортсменнарын ситиһиилэрэ

Бүгүҥҥү үөрүүлээх күнү спорт эйгэтигэр кэккэ ситиһиилэрдээх көрсөбүт, диэн Ньурба улууһун баһылыга Алексей Иннокентьев телеграм-каналыгар суруйар.
Ол курдук:
-Дзюдоҕа биһиги кыргыттарбыт Ольга Лихота уонна Полина Иудина Тюмень куоракка буолбут бүтүн Россиятааҕы күрэскэ боруонса мэтээли ыллылар.
-“Дыгын Оонньуулара-2022” бэҕэһээ бүтэһик сүүмэрдиир түһүмэҕэр 5 путевка оонньонно. Ол түмүгүнэн Ньурба улууһуттан Николай Обоев кыттыыны ылыаҕа.
-Бэҕэһээ Антоновка спорт саалатыгар бэтэрээннэргэ волейбол күрэҕэ ыытылынна.
Уопсай түмүк:
1 миэстэ -Үөрэҕэрии хамаандата (30.000 солк.)
2 миэстэ – Ньурба хамаанда (20.000 солк.)
3 миэстэ – Октябрьскай нэһилиэк хамаанда (10.000 солк.).
Кэлэр күрэхтэһии дуобакка уонна саахымакка ыам ыйын 3 күнүгэр ыытыллыа.
-Муус устар 28 күнүгэр Буулдьанан ытыыга улуустааҕы аһаҕас күрэххэ барыта 10 хамаанда кыттыыны ылла. 10 м ыраахтан, үс балаһыанньаҕа 30 зачетнай ытыыга:
1 миэстэ – Хаҥалас нэһилиэгин хамаандата
2 миэстэ – Ньурба 1-кы нүөмэрдээх оскуолата.
3 миэстэ – Чаппанда нэһилиэгин хамаандата.
***
Оставить комментарий