Найыланыы

«Саха уолаттара, устудьуоннар сүүйүүлээх оонньууга киирэн дьонноро ыыппыт харчыларын сүүйтэрэллэр, ноутбуктарын, телефоннарын ломбардка уура-уура оонньууллар, тойоттор, депутаттар тоҕо итини көрбөттөрүй?!» – диэн ис хоһоонноох суруйуу бассаапка тарҕанна аҕай.

Бу баҕас наһаалааһын буолбатах дуо? Урут «оскуоларын бүтэрбит КИҺИ» диэн буолара, билигин «оскуоланы бүтэрбит ОҔО». Отутугар диэри «оҕолооһун» бөҕө, уонна кэлэн ыччат оннук сүрэҕэ суох, маннык инфантильнай диэн мөҕүттүү.

Буолумуна.

Иитии диэн баар эбээт. Оҕону иитии. Кэпсэтии, үчүгэйи-куһаҕаны өйдөтүү. Оскуола билиини эрэ биэрэр, төрөппүт оруолун толорбот, толорор кыаҕа да суох.

Устудьуон диэн 18-н туолбут УЛАХАН киһи. Хантан ас-таҥас кэлэрин билиэхтээх, куһаҕаны-үчүгэйи бэлиэр араарар өйдөөх-санаалаах, сиппит киһи буолуохтаах.

Акаарыны эрэй эрэ үөрэтэр диэн баар. «Не надо мешать глупцу пройти свой путь, иначе он никогда не поумнеет». 

Иннилэрин-кэннилэрин сүүрэ сылдьан булгуччу ким эрэ хайа, солуу сылдьыахтаах дуо? Улахан дьон быһыытынан эппиэтинэскэ үөрэнниннэр. Онно эмиэ «тойоттор, депутаттар» буруйдаахтар үһү. Ама дуу.

***

Aartyk.Ru