Мэҥэ Хаҥалас улууһун баһылыга Николай СТАРОСТИН үлэлиир больдоҕун толору олорор

Быйыл күһүн хас да улахан улуус баһылыгын талар быыбар буолар: Ньурбаҕа, Мэҥэ Хаҥаласка, Үөһээ Дьааҥыга.

Мэҥэ Хаҥалас улууһун 10 сыл Николай СТАРОСТИН ситиһиилээхтик салайан кэллэ. “Старостин Дьокуускайга үрдээн киирэр”, – диэн сурах тарҕаммыта ыраатта.

Кулун тутар 2 күнүгэр, баһылык нэһилиэннэҕэ отчуотун кэмигэр, Николай Прокопьевич үһүс болдьоххо барбатын туһунан, кини оннугар улууска салайааччынан Семен ПОТАПОВ, билигин баһылык бастакы солбуйааччытынан үлэлии-хамсыы сылдьар киһи, талыллара буоллар диэн баҕа санаатын тиэрдибитэ.

“СТАРОСТИН болдьоҕун иннинэ боломуочуйатын устубат, күһүҥҥэ диэри үлэлиир”, – диэн улуус дьаһалтатыттан биһиги редкциябытыгар эрийэн чуолкайдыы сырыттылар. Эрдэ телеграм-каналга “Старостин дуоһунаһыттан эрдэ уурайар” диэн сыыһа суруллубутун көннөрдүлэр.

Бу күн иннинэ эрэ Майа сэлиэнньэтин баһылыга Дмитрий ТИХОНОВ социальнай ситимҥэ “улуус баһылыгын быыбарыгар кандидатурабын туруорабын” диэн биллэрбитэ. Оттон бүгүн улуус баһылыга Николай СТАРОСТИН Семен ПОТАПОВЫ өйүүрүн туһунан этэр видеота тарҕанна. Оччотугар ТИХОНОВ улуус дьаһалтата өйөөбүт  кандидатуратын сөбүлээбэтэх буолан быыбарга кыттабын диэтэҕэ.

Санатар эбит буоллахха, ЕР праймериһэ ыам ыйын 29-гар буолар, билиҥҥи туругунан биир да кандидат праймеризкэ кыттарын туһунан сайабылыанньа биэрэ илик. Өссө да 2,5 ый баар, сайабылыанньалар ыам ыйыгар биирдэ киирэр буолуохтаахтар.

***

Aartyk.Ru