Мэҥэ Хаҥалас улууһун баһылыгын быыбарыгар анаммыт праймеризка Семен ПОТАПОВ кыайда

Бүгүн, бэс ыйын 16 күнүгэр, Мэҥэ  Хаҥаласка улуус баһылыгын дуоһунаһыгар “Биир Ньыгыл Арассыыйа” партияттан кандидаттары сүүмэрдээһин буолла, куоластааһын түмүктэннэ.

Бу дуоһунаска барыта 3 хандьыдаат турбутуттан Семен Семенович Потапов 96.15% куолаһы ылан, биир партиялаахтарын итэҕэллэрин ылан эрэллээхтик кыайда.

Быыбар иннинээҕи тэрээһин быһыытынан «Биир Ньыгыл Арассыыйа» партия бары таһымнаах быыбардарга “Барыллаан куоластааһыны”, норуокка  биллэринэн ПРАЙМЕРИЗ ыытар үгэстээх. Барыллаан куоластааһын  партия иһигэр уонна дьон-сэргэ ортотугар аптарытыаттаах, норуот биһирэбилин ылбыт киһини быһаарарга, саҥа ааттары буларга уонна быыбардааччы санаатын быһа билэ олорорго туһуламмыт  тэрээһин буолар.

Мэҥэ Хаҥалас улууһугар барыллаан куоластааһыҥҥа улуус дьаһалтатын аҕа баһылыгын  сэргэ 19 нэһилиэккэ (Аллараа Бэстээххэ, Майа сэлиэнньэтигэр, Бүтэйдээххэ, Догдоҥоҕо, Доллуга, Дьабылга, Мөҥүрүөҥҥэ, Мэлдьэхсигэ, I – Наахараҕа, II – Наахараҕа, Рассолодаҕа, Тараҕайга, I – Тыыллымаҕа, Төҥүлүгэ, Хаптаҕайга, Хараҕа, Ходороҕо, Холгумаҕа, Чыамайыкыга) баһылыктарын уонна 26 нэһилиэккэ олохтоох депутаттарыгар кандидаттары таллылар.

Мэҥэ Хаҥаласка 296 быыбарданар дуоһунаска “Барыллаан куоластааһыҥҥа” барыта 470 кандидат турбута диэн Мэҥэттэн биллэрэллэр.

***

Aartyk.Ru