Дьоҥҥо көмөлөһүөххэ сөп дуо?
Дьикти түбэлтэҕэ түбэстим. Дьоҥҥо көмөлөһөбүн диэн.
Биир бассаап-бөлөххө суруйдулар: саастаах дьахтар инбэлиит киһини кытары (уола) омук сиригэр аэропортка, кыраныыссаны ааһар хонтуруолга, хаалан хаалбыттар. Эр киһини тас таҥаскын, атаҕыҥ таҥаһын уһул диэбиттэрин кыккыраччы аккаастаммыт, онтон сылтаан ол ийэтин кытары салгыы аһардыбатахтар диэн. Аны туристар олохтоох симкалара кимиэхэ да суох эбит, Россияҕа кэлэн эрэ баран гидтарга дьонноро хаалбыттарын биллэрэллэр. Гид кинилэри көрдөөн туох баар сиргэ барытыгар төлөппүөннээн ыйыталаһа сатыыр да, иннин-кэннин булбат. Аэропорт атын куоракка баар, суһаллык сонно бара охсор кыаҕа суох. Сэрэйдэххэ атын туристарын эмиэ дьаһайыан, сирдиэн наада.
Ыксал буолар. Бу дьон эрэйдээхтэр омук сиригэр сибээһэ суохтар, ханна баалларын биллэрэр кыахтара суох, ханна-ханна тиийээхтээтилэр диэн. Мин ону ааҕан ол дьону сүрдээҕин аһынным, ийэм тэҥэ саастаах, өссө ыалдьар киһини арыаллыы сылдьар дьахтар хайдах эрэйдэнэ, ыксыы сылдьара буолла диэн.
Россия Тас дьыалаларын министиэристибэтин (МИД РФ) Саха сиринээҕи бэрэстэбиитэлинэн үлэлии сылдьыбыт киһиэхэ тахсан маннык түбэлтэҕэ хайдах дьону булуохха сөбүн ыйыталастым. Онтон маннааҕы Тас сибээс министиэристибэтин (МВС РС) төлөппүөнүн булан эрийдим, балаһыанньаны кэпсээтим, быһа анараа консульствоны кытары сибээскэ тахсан дьон ханна баарын билэр кыахтааххыт дуо диэн ыйыттым. Миниистир солбуйааччыта Диана Афанасьевна Степанова олус болҕомтолоох, истиҥ киһи буолан үөртэ.
Салгыы МВСтар гид нүөмэрин биэрбиппэр, тута сибээстэһэн туристар даннайдарын, көтүөхтээх рейстэрин нүөмэрин ылан запрос оҥорорго официальнай докумуон бэлэмнээн бардылар. Ол тухары сүтэрбит дьоммут тугу да биллэрбэттэр. Гидтарга улахан эппиэтинэс буоллаҕа, туристары сүтэрии.
Сарсыныгар гид атын куораттан аэропорка тиийэн транспортнай полицияны булан дьонун даннайын көрдөрөн көрдөттөрөр. “Бу аҕай регистрацияны аастылар диэтилэр. Олох санныбыттан хайа сууллан түстэ, дьоммут сөмөлүөккэ ааспыттар, хата”, – диэн группаҕа үөрэн биллэрэр. МВСтар эмиэ һуу гыналлар, ону сэргэ мин эмиэ.
Сөмөлүөт Россия куоратыгар түспүтүн да кэннэ, сүппүт дьоммут кимиэхэ да тугуу да биллэрбэттэр. Ээр-сэмээр долгуйа кэтэһэ сатыыбыт, 1,5 суукка ааһар. Онтон киэһэ дьэ иккис хонук буолуута дьахтарбыт суруйар… кто вас просил?! кто вы такие? кто это?
Бай, соһуйан эрэ хааллыбыт.
***
Онтон санаатым ээ, дьоҥҥо көмөлөһө сатыыр да, эмиэ араастык ылыныллыан сөп эбит диэн.
“Кто вас просил?!”. Ол аата киһи бэйэтэ көрдөһө илигинэ киһиэхэ көмөлөһүллүө суохтаах буоллаҕа? Чэ, ити үөһээ ахтыллыбыт түбэлтэҕэ көмөҕө наадыйалларын дуу, наадыйбаттарын дуу сибээһэ суох буолан биллэрэр кыахтара суоҕун аһардан, уопсай боппуруоска хоруй көрдүөххэ.
Обургу кылааска үөрэнэр уолбар ити түбэлтэни кэпсээн баран боппуруос биэрбиппэр хардарар:
-Хаһан эрэ Америкаҕа “добрый самаритянин” диэн сокуон баарын аахпытым. Ол сокуон ылыллыбыт түбэлтэтэ диэн, биир дьахтар ууга тимирэн эрдэҕинэ ааһан иһэр киһи быыһаабыт. Дьахтары быыһыырыгар алҕаска биир ойоҕоһун тоһуппут, оттон бөдөҥ дьахтар буолуо, ону сосуһа сатаан буолуо эбэтэр тыын киллэрээри. Дьахтары быыһаан баран ол киһи 911 эрийбит, балыыһаҕа илдьибиттэр. Дьахтар медстраховката суох эбит, бу эмтэммиппин кыайан төлүүр кыаҕым суох диэн баран ол быыһаабыт киһитин суукка биэрэр: “Я не ПРОСИЛА его спасать”. Сууту кыайар, буолунай харчыны олордон ылар.
Америкаҕа көннөрү киһи (быраас, спасатель буолбатах буоллаҕына) кими да быыһыыр бырааба суох. Буолаары буолан “если не просят“. Наай буоллар 911 эрийэн биллэрэр. Анал үөрэхтээх, сатыыр эрэ киһи, холобур, умайа турар массыынаттан киһини оруон сөп. Ону даҕаны ол киһи сөбүлэһэр эрэ түгэнигэр. Боростой туора киһи онно орооһор бырааба суох, тыллыыр эрэ бырааптаах.
Коллегаларым санааларын ыйыттым:
-Көмөнү ылынар, сөпкө өйдүүр киһиэхэ эрэ көмөлөһүөхтээххин дии саныыбын. Киһи киһи төбөтүн олоруута атын-атын буоллаҕа. Баҕар, ол эн көмөлөһөбүн дии саныыргын кини “сэнээн”, “байымсыйан”, “өйдөөҕүмсүйэн” эбэтэр “дьаһалымсыйан”, “кини аҕай буолан” диэн сыаналыан сөп.
Холобур, ити меценатство диэн баар дии, ханнык эрэ кыахтаах урбаанньыт кыаммат ыалларга диэн акция оҥорон тугу эмэ бэлэхтиир. Ону туораттан көрөн “кыаммат” диэбит киһиҥ “кыанабын” диэн өһүргэниэн сөп. Эбэтэр “дьэ, байымсыйан, киһиттэн ордон ыһыахтана сылдьар” диэн сиилиэ, эбэтэр “итиччэ баай эрээри баччаны эрэ биэрдэ” диэн мыыныа, аныгыскыга эмиэ ылыан баҕарыа, ылбатаҕына үөҕэн биэриэ.
-Дьоҥҥо көмөлөһүөхтээхпит, оттон кинилэр хайдах ылыналлара бэйэлэрин дьыалалара, бэйэлэрин таһымнара. Былыр-былыргыттан бэйэ-бэйэҕэ көмөлөсүһэн кэллэхпит. Туора киһи, уруу-аймах диэн араарбакка. Аһыныгас, амарах майгыбыт сүтүө суохтаах. Дьону быыһаабыттар диэн хаһыакка, телевидениеҕэ сырдатабыт дии, чиэстиибит-бочуоттуубут. Ити киһилии майгыны хайҕааһын, пропагандалааһын буоллаҕа, оҕону, ыччаты иитии биир көрүҥэ.
Дьэ, итинник. Онон дьоҥҥо көмөлөһөр, көмөлөһө сатыыр эмиэ араас буолар эбит. Биир өттүнэн, американецтар киһи быраабын өрө туталлара хайҕаллаах. Ол гынан баран сорох түгэннэргэ аһара омуннааһын баар. Өлөн эрэр киһи (чугас аймаҕыҥ буолбатах буоллаҕына) бэйэтэ сөбүлэҥин биэрдэҕинэ эрэ быыһааһын, уопутум суох диэн таах көрөн туруу, онтон быыһаммыт киһи быыһааччытын суукка биэрии – киһи өйүгэр баппат. Биһиги дьоммут хайа кыалларынан, кыахтара тиийэринэн быыһыы сатыыр буоллахпыт.
…дуу, эбэтэр телефоҥҥа устан баран бассаабынан тарҕатарбыт ордуга дуу… Эһиги санааҕытыгар?
***
Туйаара НУТЧИНА,
Aartyk.Ru
Америка сокуона биьиэхэ себе суох. Биьиги менталитеппыт да атын, олорор усулуобуйабыт да тыйыс, экстремальнай. Пока итинник Самаритянин сокуона киирэ илик, онон кемелеьерге!
Ити кыраныысса тасыгар тахсар, туристыыр дьон бэйэлэрин билинэн сылдьар дьон. Онон кинилэр туохха да тубэстэллэр туораттан асынар, комолосо сатыыр наадата суох. Син иннилэрин кэннилэрин булуналлар. Хата дьиэ эргин норуоккун, дьону болгойон корон ээр сэмээр, тактично комолосор соп.
“Ити кыраныысса тасыгар тахсар, туристыыр дьон бэйэлэрин билинэн сылдьар дьон. Онон кинилэр туохха да тубэстэллэр туораттан асынар, комолосо сатыыр наадата суох”.
Кырдьык оннук бьлх.
И вообще надо помогать только близким людям. Туора дьонно если только просят сами. Нет так нет.
Сөпкө да сөллөҥнөөтүҥ, бэркэ да бэллэҥнээтиҥ😃, Көннөрү убай!
Син билэбин диэххэ сеп, ол эрээри биир бэйэм хаьан да кэпсээбэппин, махталы эрэйбэппин, дьон санаата араас буоларын эдэр эрдэхпиттэн билэбин, кэлин наьаалааьын баар, хайаан да биллэриэххэ, видео, ону себулээбэттэр, бу сайын ДТП тубэспиттэргэ кемелеье сылдьан ессе тегул итэ5эйдим, эмсэ5элээбиттэр ким да тохтуо суо5а бытааран видео5а устуохтара диэбиттэрэ оннук этэ, махталы эрэйимэн, биллэрэ сатааман, кемелеьун.
Самореклама баар, особенно перед выборами тугу эрэ биэрдибит, бэлэхтээтибит диэн. Но МЧС, МВД детям грамоту дают, поощряют за спасение людей. Это нормально, воспитание неравнодушных людей.
Кемелеьен баран махталы кэтэьэн ол кэлбэтэгэр хомойбут курдук автор. Махтал ылаары кемелеспут курдук буолан тахсар курдук. Онон кемелеьен баран тута умнан кээспит ордук.
Оннук, сөпкө этэҕин, Айыы киһитэ аһыныгас уонна көмүскэс санаалаах буолан төрүүр. Манньаны эрэйэр уонна үтүөҕүҥ биллэрэ сатыыр аньыы. Дьон сүөргүлүүр, ылыммат.
Киһини быыһыыр да буоллаххына первую очередь убедитесь что вашему жизни ничто не угрожает дииллэр спасатели, а зовите нас😅
Судьба диигин😂и проходишь мимо.
Бог покарал да🤣
😂😂😂
Да ну нах, туора дьонно баще кемелеьер напдата суох.
Акаары дьоццо комолоьон да туьа суох.Онноо5ор бэйэ дьоно ыттыйаллар.Комо кэлэрин ойдооботтор.Сиэбиттэрин умнан кэбиьэллэр.Барытын босхо халлаантан туьэр курдук саныыллар.Билигин онтун иэстэьиэ диэн эмэьэлэрин кордоролор.Тем более билбэт дьоццор туристарга зачем?!Ол аата кинилэр ааттарыттан ыытан харчы сиэбиттэр.Кинилэр барбыттарын билэр дьонноро. Тулайаах о5олор эмиэ биир оннуктар.Аны мошенниктар харчы кордууллэр о5олорго эмкэ диэн.Дьиэлэрэ умайбыт дьон аатыттан харчы хомуйбуттара.Ол биллэн эмиэ айдаан этэ.Як.туох эрэ лоторея дьоно.
Кыраныыссаны туоруу сатаабыт куруойэхтэр дьахтары уола кийиитин кытта посольства5а коляска5а олордон баран хаалларбыттара.Онно дьон ытыы ытыы харчы хомуйтара.Хата кимнээ5эр эмис доруобай киьи Турар этэ.Ону эмиэ бары сиргэ силлээн.Оссо санаторийга ицин босхо кииртэ.Манна санаторий 40,0 тыь.солк.12 хонук.Дьэ Ким комолоьоруй.
Пенсионер сөпкө этэр. Мин билбэт киһибэр харчы ыыпаппын. Биллэрии бөҕө кэлэр ватсапка. У нас медицина бесплатная.
Всегда нужно по возможности помогать людям , но тихо и молча .
Били Турция5а сир хамсааьыныгар эмиэ мантан курээбит Аммосов диэн харчы албыннаан хомуйта.Дьэ ыыты бо5о этилэр.Ол кэннэ билэн баран уохсуу кытаана5а.Блогер лохотрон киьитэ эбит.Киьи бо5отун албыннаабыт.Намца кийииттэрэ о5олорун кытта умайан олто.Ону Эр киьи эдьиийэ хата харчы хомуйан квар.ылбыта.Батсабынан биллэрэн хомуйаллар.Суобаьа суох туокуттэр.
Били соторутаа5ыта Тайилацца курээбит ыаллар ийэлэрэ алаадьы Астаан атыылыыр диэн баара.Сэрииттэн курээн баран оссо харчылара бутэн Аны тоннор Айдаана.Онно комолоьуц диэн ыххайыы баар этэ.Ити Посольства дьонун уо5эн комолоспоттор диэн.Бэйэ харчытын хас наркоман иьээччи куруойэх Дизертир аайы кутар да харчы тиийбэт ини.Якут диэннэр бомжалар сир аайы бааллар.Дьахталлар эмиэ араас омугу кытта барсан баран олбуттэр.Ону Аны а5аларга харчыта булгуччу ыытыц диэн буолар.Харчылаах кыахтаах буолан кэринэллэр ини.Бу а5ыйах ахсааннаах омукка дьаабы дии.Элбэ5э бэрт.Киинэтэ кинигэтэ устуц суруйуу.Бэлэм сценарий.
Кырдьык киинэ устуо эбиттэр, дьоҥҥо үөрэх буолуо этэ. Албын-көлдьүн буолуу, онно киирэн биэрии наһаа элбээтэ
Онтон ол ону дьон хайдах ылынара киһититтэн буоллаҕа дии. Ити түбэлтэттэн сылтаан көмөлөһүмүөххэ диэри гынаҕыт дуо ааптар, ээ?
Итинник “тос” курдук туттубут кыра ычалаах дьоннор бааллар бөҕө буоллаҕа дии.
Сөпкө этэҕин, ааптар бэйэтэ кыра ычалаах буолан улахан махталы эрэйэ санаабыт быһыылаах, онтун хайдах эрэ сэрэйэн ол көмөлөспүт дьоно кыйаханыахтарын , ону-маны саҥарбыт буолуохтарын сөп. Эбэтэр бу ,,көмөлөһөөччү” ааптар аатыттан соччото суох тыллары тириэрдибит буолуохтарын сөп. Онон бары өбүгэ үгэһин кэспэккэ хардары таары көмөлүсүһүөх тустаахпыт.