Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Бүтэй Бүлүүгэ быһылаан

19.06.2019 16:52 18
Бүтэй Бүлүүгэ быһылаан

Сырылатан-сырбатан бүтэй куйаас түһэн сорох-сорохтору хааннарын хойуннарбыт.

Бүтэй Бүлүү сирин биир улууһугар баһылык икки чаччыына икки ардыгар араллаан тахсан дьон элэгэ хойунна.

Ол курдук Сэргэй Бүнэкүүрэп, Бүлүү улууһун баар-суох икки төгүллээх баһылыга, хас да тылы тэҥҥэ баһылаабытын түмүгэр улуус мунньаҕа саҕаланан иһэн ыһыллан хаалбыт.

Баһылык киһи араас баартыйаттан таҥыллыбыт 55 эгэлгэ дьүһүннээх чаччыынатын биир сүнньүгэ киллэрэн бэрээдэк олохтуур кыаҕыттан таһыччы ааспыт. Тиритэ сатаан баран тириитэ бараммыт, этэ сатаан баран эппэт кэлэҕэй буолбут. Чаччыыналар хас биирдии улахан да, кыра да боппуруоска бары бэйэлэрин баартыйаларын “көрүүтүн” сыһа-соһо сылдьан этэн көрүлүүллэр эбит. Дуона да суохха мөккүһэн туран баардарын биллэрэн бэлиитикэлээн тиниктэһии кытаанаҕа.  От охсуута буоллун, хотон тутуута буоллун 55 аҥыы санааларын этэн баран төннөр майгыламмыттар.

Уочараттаах улуус мунньаҕар Сэргэй Бүнэкүүрэп биир боппуруоска санаатын этээччи буолбут. Онуоха туран биир чаччыына, Үп кэмитиэтин бэрэстээтэлэ. кэм да куолулуур майгытынан баһылыгы утары “чап” гыннарбыт. Онуоха баһылык онон-манан эргитэ сатаабакка, улуу нуучча тылынан үс бөрүкүтэ суох буукубаҕа быһалыы утааран кэбиспит.

Анарааҥҥыта мах бэрдэрэн айаҕын атан турдаҕына, баһылык өссө үөскэ түһэн, бэлэтиичэскэй баартыйа чилиэнин содур быһыыга буруйдаабыт. Чаччыына уҥа сыспыт, өһүргэнэн өттүгүн туура түһэ сыһан баран өрүһүнэн, муннун хаана бууралаан, киҥэ-наара холлон олох миэстэтиттэн сулбу ойон турбут да баһылыгы кулгаах тааска кыҥаан-кыҥаан баран маҕыйа-маҕыйа саайбыт. Бэрдэ бэрт Бүнэкүүрэп  күрдьэх саҕа сутуруктан аһаран биэртэлээн быыһаммыт. Табыллыбыта буоллар туймаарыах эбит диэн көрбүт дьон сылыктыыллар.

Төттөрү-таары сутуругунан кумалаһыы буолбут. Бэтэрээтэ да, анараата да туохха мунньахтыылларын таһыччы умнан уолуктаһан барбыттар. Сүүстэрин анныгар бөлкөй харахтара хаанынан туолан, таныылара сырдырҕаан, сымыһахтара кыа хаан оҕуолуор диэри быһа ытырыллан, атыыр оҕустуу утарыта күрдьүөттэһэн турбуттар.

Атын чаччыыналар киһи эрэ буоллар уолуктаспыт тойоттор икки ардыларыгар түһэн иилистибит илиилэрин араартыыр кыһалҕаҕа түспүттэр.  Ол мучумааҥҥа сылдьан ким эрэ тимэҕэ туллубут, ким эрэ ырбаахытын сиигэ сиирэ барбыт, сиэҕин бэлэнньигэ тырыта тыытыллыбыт, ким эрэ түүппүлэтин тилэҕэ туллубут. Дьүһүн-бодо, сирэй-харах…  Хата, хаан тохтубатаҕар махтал. Улуус мунньаҕын толоонугар ким да толук буолан хаалбатах.

Күннэтэ көрдөрөр хохуоллар Радаларын быһыыта-майгыта Бүтэй Бүлүү мунньаҕар онон хатыланан турар. Сахалар барахсаттар үстэн үөһэ муһуннахпытына улуустаһан барааччыбыт. Бүлүүлэр улуустааҕы мунньахтарыгар баартыйа арааһа симиллибитэ атааннаһыы төрүөтүн өссө кэҥэттэ диэччилэр эмиэ бааллар. Тойотторбут күн өйүнэн итинник сутуруктаһа сырыттахтарына, кыра-хара дьон кыратык амсайан баран дайбаатаспыппыт туох буолуой эрэ диирбитигэр тиийэбит.

***

Бүөтүр АРЫЫЛААХАП,

“Аартыкка” анаан.

 

Обсуждение • 18

Добавить комментарий
  1. Ньукулай

    петр арыылаахап бу иллэрээ сыллаа5ыны сана буолбут курдук бичийээхтээбит дуо?

  2. василий

    Булуугэ Арыылаахап диэн псевдонимнаах аноним кимий, бу киьи 37 сылларга куннуэгэ хаалбыт

  3. БАРЧА

    Билигин Булуугэ саха диэн суох бары эбээннэр.Саха нуучча бааьынай бары коспуттэрэ.Молокурэп да ол диэкки хааннах агрессивнай дьон.Аналлаах сокуон тэрилтэтэ то5о бу киьини ураппатый.Тугу гынан абыраата арай уоруу алдьатыы сиэьин уот олоруу эрэ аатырдар.Бэйэтэ ыьыахтары эрэ кэрийэн тахсар.Нэьилиэк баьылыктара таах ацала дьон дьону сири суоьуну сиэтилэр.Барытын эстилэр.

    • Барчаҕа эппиэт

      Барча диэн никтаах провокаторы тутуохха баара. Билигин прокси-агент, сервер нөҥүө бу киһи хантан суруйбутун быһаарар технология баар буолла. Эбээннэринэн үөхпүккүн скриннаатыбыт. Икки хонуктааҕыта суруйбуккун. Күүт, уонна оправдательнай сурук суруй.
      282 эрэ ыстатыйа буолбатах хас да уголовнай холбоһуо. Сокуону тутуһуохха наада гражданин.

  4. Минсаха

    Эбэнкилэр диэ, эбээннэр Охотскай муора биэрэгэр, Халыма5а бааллар. Сунтаар (эбэнки тыла), Ньурба (“нюрмаганнар” эбэнки биистэрэ олорбут сирдэрэ), ус Булуу эбэнки дойдута. Ол былыр, нууччалар кэлиэхтэрин иннинэ. Сахалар кинилэри уурбуттэр. Винокуров керунунэ, наоборот, сэрииhит, былыр тюрдарга, уйгурдарга маарынныыр. Ол иhин ыгым, тордуос, воинственнай буолуон сеп. Мээнэ киhи иккиhин талыллыбат.

    • БАРЧА

      Минсаха,кэлии дьон биир уксэ педучилище студеннара хотулар.1-2 Кулят Угюлят Тылгыны 1-Чочу 2-Чочу ити бары олекма эбэцкилэрэ.Туспа КМНС буола сатаабыттара да кыаллыбата5а.Совет са5ана саха диэн суруйан баран ыт ынах туттаран улэлэтэ сатаабыттара да туьа суох дьоно.Аны Кэбээйи соро5о урут киирэр этэ Булуугэ.Ону кэлии нуучча бааьынай уорэхтээх отто тутан олорто.Суут сокуон да баара.Билигин бары кыыл баран криминал эрэ аатырдар сирэ буолла.

  5. Барыылаахап

    Хаартыскаҕа көрдөххө биир да саха сирэйдээх суох, бүлүүлэр бары дьобуруоппалыы хааннаммыттар быһыылаах. Аартык дьэ булан көрдөрбүт

  6. Кэлиилээхэп

    Хоруол хохоллор – Кысыл сыырга уонна Староватовка сэбиэскэй кэмнэ кэлбит эр бэртэрэ Булуугэ былаасы ылбыттар. Главаны тиэрэ быра5а сыталлар. Сахалар куттанан куоппуттар….

  7. Сандаара

    Наш глава в детстве не наигрался,танки,пушки, космодром… бой на кулаках… Дьэ,олороохтуубут. Дороги- рытвины после бомбежки, ни в космос не полетим,ни на танках не поездим. Сплошное шоу. Онно ырыа,манна үҥкүү,онно ыһыах,манна чалбараҥ… Үлэлээри гыннахтарына -охсуһуу

  8. Декабрист

    Туох да охсуһуу буолбатаҕа. Арыылаахап диэн арыыны кутан биэрэр киһи көстүбүт.
    Ону маны айа олоруон иннигэр дьиҥнээх аатын-суолун ыйыа этэ. Оччоҕо киһи итэҕэйиэн сөп этэ, ити уус-уран кэпсээннэри суруйар талааннаах “табаарыска”. Ол да буоллар тылыттан-үөһүттэн кимин биллим быһыылаах.

  9. Сокуону тутус

    Барча, эйигин туттарыахпыт. За разжигание эппиэттиэҥ. Күүт.

  10. Юрий Яковлев

    В споре рождается истина

  11. Тыа уола

    Арыылаахап диэн Андреевы санатар курдук.

  12. Егор

    Сосновка бүөккэтэ дуо,Андреев диэн куруук онно манна кыбылла сатыыр,туох да туһалааҕы оҥорбутун билбэппин…

  13. Куулэт о5онньоро

    Арыылаахап диэн Нууччуна бэйэтэ дии, суруйар тылын-эьун кыайан араарбат дьоццут дуу тугуй. Ити Барча диэццитин буллаххытына этээриц эрэ, сиэннэрбин ыытан ким тоцуьун быьаартарыам этэ. Уолаттар дьэ бааллар, быьаарсаллара буолуо оцоробун.

  14. Тыа уола

    Нууччуна босхо суруйбатах буолуохтаах.

  15. табаhыт

    Бөх ыттарын курдук буолан…сказки пушкина,басни крылова ,рассказы гоголя.икки атахтаах ханна ыраатыаҕай,сирэйбитин эттэhэбит,ахтабытын хасыhaбыт,эhэ – бeрe буолан олороохтуубут.сYehYлээр диир буолара мин билэр а5a kuhuм

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»