Курс валют
$
68
0.32
76.76
0.68
Курс валют
Курс валют
$
68
0.32
76.76
0.68
Меню
Поиск по сайту

Анатолий СЕМЕНОВ саҥа дуоһунаһа

11.07.2018 23:27 3
Анатолий СЕМЕНОВ саҥа дуоһунаһа

«Якутия» Технопарк» генеральнай дириэктэрэ Анатолий СЕМЕНОВ саҥа дуоһунастанан эрэр.

Анатолий СЕМЕНОВ эбиитин Докуускайдааҕы Дума дьокутаата, устудьуон эрдэҕиттэн киирэн-тахсан элэгэлдьийэн,  сытыы-хотуу уол.

Ааспыт ый саҥатыгар СЕМЕНОВ Ил Дархан быстах кэмҥэ толорооччу кабинетыгар хаартыскаҕа түһэн «алдьана» сыспыта. Социальнай ситимнэргэ сыһа-соһо сылдьан тааҕы-таах ыыстаан да, хайҕаан да хаалбыттара. Дьиҥинэн, правительство бэрэссэдээтэлэ «буола сатыыр» диэн көрөн туран балыыр этэ буоллаҕа. СЕМЕНОВ дуоһунаска баҕата баһаамын да иһин, син бэйэтин иһин-таһын билинэн эрдэҕэ.

Бэрэссэдээтэл да буолбатар, СЕМЕНОВ саҥа салалтаҕа дуоһунастанан эрэр диэн сурах кэллэ.

Бүгүн Айсен НИКОЛАЕВ ыйаах таһааран Александр БОРИСОВЫ дуоһунаһыттан уһулбут, «атын үлэҕэ барар» диэбит.

Сонордоох, сорсуннаах булчут БОРИСОВЫ дуоһунаһыттан туораппыттара ый буолла. Кини СР сибээскэ уонна информационнай технологияҕа министиэристибэтин салайан үлэлэппитэ. Ол курдук  быйыл эмиэ уутугар-хаарыгар киирэн төрдүс сылын тигинэччи үлэлии сылдьар киһиэхэ, биир күн эппилиэттээх дьон «сымыйанан дьону үлэҕэ ылан хамнастыы сылдьыбыккын» диэн аат ааттаан кэлэллэр. Ол түмүгэр улахан БОРИСОВЫНАН кыра БОРИСОВЫ дуоһунаһыттан туораттарбыттара.

Соторутааҕыта Александр Ильичтан «дьыала хайаста» диэн сураһа сылдьыбыппытын, «туох да, ким да биллибэт, ууга тааһы бырахпыт курдук уу-чуумпу» диэн ыгдах гыммыта. Онон оннук. Оттон бүгүн дуоһунаһыттан босхолообуттар. Хата тустаах киһи «һуу» гыммыта буолуо. Сатахха, министиэристибэтэ да уларыйда, аны — инновация, цифровой сайдыы уонна инфокоммуникационнай технология министиэристибэтэ дэнэр буолла. Уһуна-киэҥэ, эриэхэбэйэ… умнуган киһи өйдөөн бэрт.

Уһун-унньулуйбут ааттаах министиэристибэни уһун уол салайар буолбут — Анатолий Аскалонович СЕМЕНОВ.

«Анатолий, ГАУ РС(Я) «Технопарк «Якутия» генеральнай дириэктэринэн үлэлээн, аныгы производственнай технологиянан дьарыктанар хас да саха ыччата салайар дьоҕус тэрилтэтин «Сколково» резиденэ буолалларыгар кыах биэрдэ. Эһиги суруналыыстар улаханнык сэҥээрбэккит да, ити дьиҥинэн олус улахан ситиһии эбээт. «Сколково» резиденэ буолбут тэрилтэ грана 5 -тэн  300 мөл. тиийэ буолар, бу суумма саҥа саҕалыыр предпринимателлэргэ улахан төһүү көмө. Эбиитин нолуокка улахан чэпчэтии көрүллэр. Уонна «Сколково» Россия үрдүнэн саамай, этэргэ дылы, инновационнай идиэйэлээх эрэ дьону талан резиденинэн ылар.

Технопаркаҕа үксүн саҥа сонун идиэйэлээх ыччат кэлэр, кинилэр санааларын олоххо киллэрии — улахан ситиһии. Производство кэнэҕэс сайдар суола солонор сирэ. Саха сирин экономикатын хайысхата араас-араас буолуохтаах. Биллэн турар, республика салалтатын өттүттэн технопарка үлэтигэр-хамнаһыгар улахан болҕомто ууруллубута. Итиннэ Егор Борисов саамай сөпкө дьаһаммытын ким да мэлдьэспэт буолуохтаах.

Анатолий Семенов салайааччы быһыытынан бу үлэни иилээн-саҕалаан ыыппыта — кини үчүгэй, кэскиллээх  салайааччы буоларын көрдөрөр. Онон кини инновация, цифровой сайдыы уонна инфокоммуникационнай технология миниистиринэн ананара саамай сөптөөх быһаарыы дии саныыбын», — диэн солуну кэпсээбит киһи санаатын үллэһиннэ.

Олох устар. Көрөн иһиэхпит. Эдэр киһи кыаҕын көрдөрдүн ээ.

***

Aartyk.Ru

Обсуждение • 3

Добавить комментарий
  1. Оннук

    Оо. Бу киhи туун арыгы атыылаан иэдэйэр буо. » Днем лидер , ночью дилер » -диэн баара . Министр буолан дьэ сайыннарыа туунну бизнеhын .

  2. Олохтоох

    Бу Киьини олох собулээбэппин. Дьон туьагар улэлээбэт, бэйэтин эрэ карьератын оностор киьи. Ити ТОР диэннэригэр харчыны хайдах туьаммытын бэрибиэркэлиэххэ багар этэ.

  3. МДА

    оксокулээх 20-с уйэ санатыгар суруйан турар «вам, якутам, не угодишь..» диэн. нынче 21 век. а все так же, «вам, якутам ну никак не угодишь.

Оставить комментарий