Курс валют
$
63.77
0.02
70.63
0.1
Курс валют
Курс валют
$
63.77
0.02
70.63
0.1
Меню
Поиск по сайту

Акимов турок президенин уолун кытары мас тардыһар

29.06.2019 13:31 0
Акимов турок президенин уолун кытары мас тардыһар

Саха сиригэр Турция президенин Реджап Эрдоган уола Билал Эрдоган ыалдьыттыы сылдьар.

Эдэр Эрдоган  Аан дойдутааҕы этноспорт конфедерациятын президенэ эбит.

Турция делегацията бэҕэһээ Баһылай Манчаары аатынан «Модун» спорткомплекска сылдьыбыт. Онно Александр Акимовы кытары Билал Эрдоган мас тардыһан хачыратыспыт. Видеоҕа көрдөххө, бастаан Акимов маһы ылар, иккиһигэр маһын кытары Эрдоган диэки элээрэр.

Бүгүн туроктары Туймаада ыһыаҕар сырытыннараллар дииллэр. «Дыгын оонньууларын» көрдөрөллөр быһыылаах.

Эрдоган Саха сиригэр кэлиэм диэн былырыын быһаарыммыт. Гаврил Мохначевский, «Модун» дириэктэрэ кэпсииринэн. Эрдоган былырыын мас тардыһыытын чемпионатыгар кэлиэхтээх эбит да табыллыбатах. Ол оннугар национальнай спорт көрүҥүн арааһын ыһыахха көрүө диэбит.

Неджметтин Билал Эрдоган 1981 сыллаахха, муус устарга төрөөбүт. Үһүс оҕо эбит. Блумингтоҥҥа Индианский университеты бүтэрбит (АХШ).  2004 сыллаахха Гарвардааҕы университет иһинэн үлэлиир Кеннеди аатынан оскуоланы бүтэрбит, магистр буолбут.

Үөрэҕин кэнниттэн Аан доуйдутааҕы бааҥҥа үлэлээбит. Онтон дойдутугар төннөн бизнеһинэн дьарыктаммыт,  «BMZ Group Denizcilik ve naat Sanayi Anonim irket» хампаанньа үс тэрийээчититтэн биирдэстэрэ. Ону сэргэ «Turkiye Genlik ve Eitime Hizmet Vakf» фонда правлениетын чилиэнэ.

2013 сыллаахха коррупционнай айдааҥҥа суукка ыҥырылла сылдьыбыт.  Хаһыаттар суруйалларынан, билигин эдэр Эрдоган дьиэ кэргэнин кытары Италияҕа олорор, «үөрэнэ сылдьабын» диэн этэр эбит. Онно да олорон сүгүннээбэтэх, аны 2016 сыл олунньутугар «хара харчыны сууйар-тарыыр» диэн холуобунай дьыалаҕа эриллэ сылдьыбыт. Үс сыл тухары хаайбатах буоллахтарына, арааһа, буруйун кыайан дакаастаабатахтара буолуо дуу?

***

Aartyk.Ru   

 

Оставить комментарий