Курс валют
$
87.96
2.54
94.26
2.81
Курс валют
Курс валют
$
87.96
2.54
94.26
2.81
Меню
Поиск по сайту

Үөһээ Бүлүү норуодунай театра Борис ПАВЛОВ айымньытын сценаҕа таһаарда

27.05.2024 (4 недели назад) 09:41 0
Үөһээ Бүлүү норуодунай театра Борис ПАВЛОВ айымньытын сценаҕа таһаарда

Ыам ыйын 25 күнэ Бүлүү Эбэ күнүнэн биллэриллибитэ балайда сыл ааста. Бу күн Үөһээ Бүлүү, Бүлүү, Ньурба уонна Сунтаар улуустара эбэҕэ анаан экологическай хамсааһыннары тэрийэллэр.

Түөрт улууһу аһатан олорор улуу эбэ промышленность сайдыаҕыттан ылата уута киртийэн, тыынар-тыыннаахха кутталлаах да буолан ылаттыыр кэмнэрэ баар. Уу – олох төрдө. Кини тыыннаах, иччилээх, кини эмиэ ыалдьар, ытыыр. Онон эбэлэр туруктара быһаччы икки атахтаахха, сүүрэргэ-көтөргө, устарга, үүнэргэ барытыгар дьайар.

Үөрэхтээхтэр этэллэринэн, кэлэр кэмҥэ Сир шарыгар саамай сытыы боппуруоһунан – Айылҕа боппуруоһа туруоҕа.

Бүлүү Эбэ күнүгэр Ньурбаҕа Петр Николаевич Мартынов, “Бүлүү” экологическэй кэмитиэти тэрийсибит дьонтон биирдэстэрэ, Бүлүүгэ түһэр Марха өрүс төрдүгэр сир аннынааҕы ядернай дэлби тэптэриилэр содулларын чинчийсибит киһиэхэ анаан, кини аатын дьоҥно санатар тэрээһин ыыттылар. Оттон Үөһээ Бүлүүгэ Бүлүү өрүс киртийиитин көрдөрөр, ону бопсор туһунан Борис Павлов “СЮЗАННА” айымньытынан “КЭРЭТЭ СУОХ ОЛОХ ТУРУГУРБАТ” музыкальнай испэктээк туруорда.

Сүрэхтэниигэ айымньы ааптара суруналыыс, суруйааччы, поэт Борис Павлов ыҥырыылаах ыалдьыт буолан тиийэ сырытта.

-Үөһээ Бүлүү норуодунай театра мин “Сюзаннабынан” киһи уйулҕатын ортотунан киирэр испэктээк оҥорон таһаарбыт.

Саала иһэ хайдарынан элбэх киһи. Улуус барыта кэлбитин курдук.
Итинник чаҕылхайдык Бүлүү Эбэ дьоро күнүн бэлиэтээтилэр, – диэн Борис Павлов санаатын суруйда.

Испэктээк музыкальнай киэргэтиитэ “ЧОЛБОН” аатырбыт рок-бөлөх ырыаларынан доҕуһуолланна. Ону сэргэ испэктээккэ анаан Борис Павлов “Түгэн” хоһоонугар Юрий Васильев – Дьураай саҥа айбыт ырыата сүрэхтэннэ.

Дьүһүйүүнү туруорда режиссер- Сайыына Васильева. Сүрүн оруоллары толордо – Наталия Ильина, атын оруолларга оонньоотулар норуот тыйаатырын артыыстара, “Тосхол” үҥкүү ансаамбыла, “Сааскылаана” оҕо үҥкүү ансаамбыла. Үҥкүүлэри туруордулар – Июлия Петрова, Татьяна Игнатьева, Уйгулаана Павлова. Музыканан киэргэтии – Андрей Иванов – Дьикти. Сыана худуоhунньуга-Прасковья Новгородова, диэн театрдар кэпсииллэр.

Айылҕабыт чөл туруктаах буоларын иһин этиллибит этии, хамсаныллыбыт хамсаныылар, дьайбыт дьайыылар үтүө түмүктээх буоллуннар!

***

БҮЛҮҮ ЭБЭ ТУҺУНАН БЛЮЗ

Сайыҥҥы киэһэ Бүлүү

Түҥ былыргыны түһүүр,

Долгун устун 

              күлүмүрдүү,

Устар санньыар 

            музыка блюз,

Эргэ кулуупка

     гитаралаах уол

Оонньуур биһиэхэ

      рок-н-рол,

Сүрэҕи өрүкүтэр

             дорҕоон,

Чаҕылыйа тыгар

                 Чолбон!

Өйдөө ээ, эн, попса,

Кырдьык мөлүйүөн

                    саастаах,

Биһиги баҕарар

               суолбут

Баара-суоҕа

       Кырдьык диэн

             ааттаах.

Баҕар, биһиги               

                    көлүөнэ

Өйдөммөтөх       

      дьоннор 

               дэтиэҕэ,

Ыра санаабытын

                   кэлин

“Чолбон” музыката

                    кэпсиэҕэ,

Сүгүрүйэбин эйиэхэ

                    айылҕа,

 Долгуйа тыынар                 

                        Сир Ийэ,

Олох быстыбакка    

салҕанар

Хаһан да бүппэт

              СИМФОНИЯ!

 Борис Кэм

***

Aartyk.Ru

Хаартыска Борис Павлов телеграм-ханаалыттан ылылынна. 

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»