Курс валют
$
58.46
0.54
69.18
0.22
Курс валют
Курс валют
$
58.46
0.54
69.18
0.22
Меню
Поиск по сайту

Дьон уу-хаар, оттук-ититии туһунан санаабат буоллаҕына — ОДЬКХ үлэтэ үчүгэй

23.08.2017 14:59 0
Дьон уу-хаар, оттук-ититии туһунан санаабат буоллаҕына — ОДЬКХ үлэтэ үчүгэй

Олох-дьаһах коммунальнай  хаһаайыстыба сулууспатын үлэтиттэн тыйыс  айылҕалаах дойду олохтоохторо улахан тутулуктаахпыт.

Дьиэбит сылааһа, уотунан, ууннан,  гааһынан хааччыллыыта түүннэри-күнүстэри үлэлии сылдьар слесарьдартан, оператордартан  саҕалаан начальникка тиийэ төһө биир ситимнээтик үлэлииллэриттэн улахан тутулуктаах. Кинилэр үлэлэригэр быһаччы сыһыаннара нэһилиэнньэ күннэ5и оло5ун хаачыстыбатыгар дьайар. Коммунальщиктар үчүгэйдик үлэлиир буоллахтарына, биһиги, уу-хаар, оттук-сылаас туһунан баспытын сынньыа суохтаахпыт. Ол буолар кинилэр ситиһиилэрэ.

Дьокуускай  — кэми кытары тэҥҥэ сайдар, оло5о- дьаһа5а сыллата тупсан иһэр.  «Дьокуускай куорат» Куорат уокуругун коммунальнай инфраструктуратын ситимин кэлимсэ сайдыыта» диэн муниципальнай программа чэрчитинэн, 2013-2017 сылларга элбэх объект тутулунна. Бу тутуллубут объектар, биллэн турар, биһиги олохпут  хаачыстыбата тупсарыгар улаханнык сабыдыаллаатылар.

Сиһилии туох уларыйыы тахсыбытын туһунан Дьокуускай куорат ОДЬКХ уонна энергетикэҕэ Департаменын начальнига Дина Николаева билиһиннэрэр:

-Ааспыт биэс сылга сүрүн ситииһиигит тугуй?

 — Бастатан туран, олорор дьиэни сылытар хочуолунайдары саҥардыы үлэтэ барда.  Марха5а «СМУ-16», «Севернай», «Племобъединение» гааһынан оттуллар хочуолунайдар өрөмүөннэннэ.  2014 сылга бала5ан ыйыгар, эмиэ Мархаҕа,  бэрт  кылгас бириэмэ иhигэр 24 МегаВаттаах  улахан квартальнай хочуолунай тутулунна. Бу саҥа хочуолунай үс урукку аварийнай хочуолунайдары  («Дружба народов», «Кадетская школа», «Теплоремонт»)  солбуйда, онон микрорайон сылааһынан хааччыллыытын боппуруоһа быһаарылынна. Ону таһынан, «Северная-1» диэн олорор дьиэни ититэр саҥа киин тепловой пуун тутулунна.

Уһаайбалары электроэнергиянан, гааһынан хааччыйыыга улахан болҕомто уурулунна. Үс сыл иһигэр 1491 сир учаастактара   электроэнергиянан хааччылыннылар. Республика бюджета – 96 мөлүйүөнү, куорат — 57,6 мөлүйүөн солкуобайы көрдө.

Гаастааһыҥҥа — Лена, Пригороднай, Тулагы-Киллэм Кумахтааҕа хабылыннылар. Хатас уулуссалара банаарданнылар.

Биир улахан ситиһиибитинэн буолар, 2013 сыллаахха, сууккаҕа 10 000 кубометр ууну ыраастыыр кыахтаах сливной станция тутуллан үлэҕэ киирбитэ. Бу станция киин  канализационнай ситимҥэ холбоммотох объектар кирдээх ууларын ыраастыыр аналлаах.

 

***

2015 с. кулун тутарыгар 120 миэстэлээх  «Дьэллик кыылы тутар пуун» арыллыбыта. Дьон дьиэ кыылын бэйдиэ быраҕан кэбиһэллэриттэн сылтаан кыһын, саас улахан кутталы үөскэтэ сылдьыбыта. Билигин ити кыһалҕа улаханнык мүлүрүйдэ.

Ɵссө биир улахан ситиһииннэн, 2016 сыл кулун тутарыгар «ОнлайнДьиэ» программа олоххо киирэн нэһилиэнньэ коммунальнай төлөбүрүн интернетинэн төлүүр кыахтанна. Бу программанан туһанан киһи бэйэтэ коммунальнай төлөбүрүн аа5ар-суоттуур, төлүүр кыахтанна. Онон биир улахан базовай систиэмэ олоххо киирэ.

— Инники сылларга  туох үлэ былааннанар?

— Быйыл ГРЭС-2 бастакы уочарата үлэҕэ киириэхтээх. Куорат иһэр уутун хааччыйар водозабор өрөмүөнэ салҕаныахтаах. Хаҥалас бөһүөлэгин сөргүтэр үлэ барыахтаах: канализационай-ыраастыыр станцияттан саҕалаан, уулусса уотугар тиийэ. Оннук үлэ Табаҕаҕа былааннанар. Ону сэргэ гаастааһын үлэтэ барыахтаах. Элбэх оҕолооох ыалларга түҥэтиллибит учаастактарга уот-гаас тардыллыахтаах.

Куорат иһигэр Аппа уҥуоргу өттүгэр, Автодорожнайга инженернэй ситим оҥоһуллуохтаах.  Үрүҥ Күөлгэ, Хатыҥ Үрэххэ, ГРЭС-2, Маҕанныыр, Намныыр, Намсыыр суолугар сытар сирдэргэ уу ситимэ тардыллыахтаах. Онтон да атын элбэх үлэ күүтэр.

****

Дана СЕМЕНОВА,

Aartyk.ru

Оставить комментарий    

!