Курс валют
$
56.59
0.17
69.4
0.14
Курс валют
Курс валют
$
56.59
0.17
69.4
0.14
Меню
Поиск по сайту

Ахсынньы 11 күнэ – Саха сиригэр кутурҕан күнэ

11.12.2017 14:24 1
Ахсынньы 11 күнэ – Саха сиригэр кутурҕан күнэ

Ахсынньы 8 күнүгэр Мэҥэ Хаҥалас улууһугар Аллараа Бэстээх бөһүөлэгиттэн 16 км тэйиччи сиргэ «Халыма» федеральнай суолугар икки массыына харсыһан улахан суол быһылаана буолбута.

Тааттаҕа айаннаан испит УАЗ массыына утары айаннаан иһэр КаМАЗ таһаҕас массыынатыгар тиийэн түспүт. Массыыналар иккиэн тута умайбыттар. Уоту умулларыы кэнниттэн, УАЗ массыынаҕа тоҕус киһи өлүгүн булбуттар. Экстреннэй сулууспа иһитиннэриитинэн, олор ортолоругар 2 саастаах оҕо баар… Үс киһи араас эчэйиини ылан, Мэҥэ Хаҥалас оройуоннааҕы балыыһатыгар ыарахан туруктаах сыталлар.

Саха Өрөспүүбүлүкэтин Ил Дархана Егор Борисов ахсынньы 11 күнүн Саха сиригэр кутурҕан күнүнэн биллэрбитэ. Онон бүгүн өрөспүүбүлүкэ үрдүнэн Российскай Федерация, Саха сирин былаахтара түһэриллэн, телерадиокомпанияларга, култуура эйгэтигэр дьону саататар, аралдьытар дьаһаллар тохтоон тураллар.

Таатта улууһун баһылыга Михаил Соров дьаһалынан улууска үс күннээх кутурҕан күнэ биллэриллибитэ.

Бүгүн, ахсынньы 11 күнүгэр, Дьокуускайга “Таатта түмсүү” тэрийиитинэн Ленин болуоссатыгар, Бырабыыталыстыба № 2 дьиэтин иннигэр, суол саахалыгар суорума суолламмыт дьон сырдык кэриэстэригэр анаан Ил Түмэн Бэрэссэдээтэлэ Александр Жирков, Бырабыыталыстыба Бэрэссэдээтэлин солбуйааччы Алексей Дьячковскай, норуот депутаттара, куорат олохтоохторо, ыалдьыттара, Тааттаттан төрүттээхтэр тыыннаах сибэкки, чүмэчи уурдулар.

Саха Өрөспүүбүлүкэтин Ил Түмэнэ Сарыал Винокуров, Наталья Охотина, Венера Жерготова, Намыына Павлова, Айаал Шергин, Надежда Кулаковская, Сюзанна Севастьянова, Федор Хаптагаев, Егор Большаков дьиэ кэргэттэригэр, төрөппүттэригэр, бииргэ төрөөбүттэригэр, доҕотторугар, биир дойдулаахтарыгар дириҥ кутурҕанын биллэрэр.

Саха Өрөспүүбүлүкэтин Ил Түмэнин Бэрэссэдээтэлэ Александр Жирков: “Хас биирдии саха киһитин, өрөспүүбүлүкэ олохтооҕун уйулҕатын хамсатар ыарахан оһол таҕыста. Тустаах дьоннору хайдахтаах даҕаны элэ-была тылы этэн, кыайан уоскуппат ыар кутурҕана буолла. Маннык ыарахан түгэннэргэ биһиги дьон быһыытынан, норуот быһыытынан төһө кыалларынан түмсүүлээх буолуохтаахпыт. Иэдээҥҥэ түбэспиттэргэ хас биирдии бэйэбит уйаҕас санаабытынан, туох кыалларынан барытынан көмөлөһөн, чугас буолан бэйэбитин омук быһыытынан күүһүрдэр кыахтаахпыт”, — диэн эттэ.

Александр Николаевич суол быһылааныгар суорума суолламмыттар чугас дьонноругар өрөспүүбүлүкэ өттүттэн көмө оҥоһуллуоҕун, онно туһааннаах хамыыһыйа үлэтин саҕалаабытын туһунан иһитиннэрдэ.

Эмсэҕэлээбиттэргэ, өлбүттээхтэргэ психологическай көмө оҥоһуллар. Дьыаланы силиэстийэлээһин өрөспүүбүлүкэ прокуратуратын хонтуруолугар сылдьар.
***
Ил Түмэн пресс-сулууспата

Обсуждение • 1

Добавить комментарий
  1. да-а

    аллараа бэстээхтэн тахсар федеральнай суол «дорога смерти» буолта ыраатта. сыл аайы дьоннор ололлор. уксугэр итинник легковой массыыналар улахан тасагас массыынатыгар киирэн биэрэллэр, кысынны туманна анньысаллар. агыйах сыллаагыта эмиэ итинник тонулу таксита улахан массыынага киирэн биэрбитэ. бу туох эрэ улахан техническай биричиинэлээх бысыылаах. улааппыт нагрузгалаах, араас уйуктаах автотранспорт барыта сылдьар трассата безопасностка туох эрэ эппиэттээбэттээх бысыылаах. грузовой уонна легковой массыыналар суоллара разделениета суох дуу, хайдах дуу. автоинспекция эгин оттуттэн требование молтоото дуу. урут бэстээх тасынаагы гаилар дьэ кытаанах дьон буолааччылар. уосээ салалтабыт бу алдьархай кэнниттэн онтон туох эрэ комиссия эгин уорэтэллэрэ дуу, дьасал ылаллара дуу.

Оставить комментарий