Курс валют
$
87.74
0.25
95.76
0.08
Курс валют
Курс валют
$
87.74
0.25
95.76
0.08
Меню
Поиск по сайту

Ыраах айан суоппардарын чиэстээтилэр

13.08.2023 11:42 0
Ыраах айан суоппардарын чиэстээтилэр

Атырдьах ыйын 12 күнүгэр Үс Хатыҥҥа Үлэ Сылыгар анаммыт «Үлэ киһитэ» Саха Өрөспүүбүлүкэтин автомобильнай тырааныспарын үлэһиттэрин чиэстээһинэ буолла.

Саха Өрөспүүбүлүкэтин Ил Түмэнин Бэрэссэдээтэлин солбуйааччыта Антонина Григорьева уһун айаҥҥа сылдьар суоппардары уонна үөрүүлээх тэрээһин кыттыылаахтарын Ил Түмэн аатыттан истиҥник эҕэрдэлээтэ. «Эһиги үлэҕит – күннэтэ сыраны, тулууру, эппиэтинэһи эрэйэр уустук үлэ. Тымныы кыһыннаах, куйаас сайыннаах, сааскы-күһүҥҥү илбистээх, араас суоллаах-иистээх айан суолугар үйэлэрин, олохторун анаабыт уонна ити идэни чахчы баһылаабыт суоппардар бүгүн кэлэн олороҕут. Эһигинэн биһиги киэн туттабыт, үлэҕитин үрдүктүк сыаналыыбыт! Бүгүн тэрийбит аахсыйаҕыт киин куораппыт уонна өрөспүүбүлүкэбит олохтоохторун улахан сэҥээриилэрин ылла. Бэйэҕит ис санааҕытыттан Ил Дархаммытын өйөөҥҥүт биллэр-көстөр түмсүүлэртэн маннык аахсыйаны аан бастакынан саҕалаатыгыт.

Евдокия Кимовна Дьячковская салайар дальнобойщиктар эрэгийиэннээҕи уопсастыбаннай тэрилтэтин үлэтэ өрөспүүбүлүкэ социальнай-экономическай сайдыытыгар улахан суолталаах. Атырдьах ыйын 4 күнүгэр В.В. Путин хоту тиэйэн аҕалыы туһунан федеральнай сокуоҥҥа илии баттаата. Бу сокуон чэрчитинэн Саха сиригэр уонна да атын Россия арктическай эрэгийиэннэригэр ас сыаната 15 бырыһыанынан түһүөхтээх. Хоту аһы-таҥаһы тиэйиигэ-аҕалыыга хаһан да көрүллүбэтэх судаарыстыба өттүттэн үбүнэн уонна малынан хааччыйар өҥө баар буолуоҕа. Онон бу сокуон олоххо киириитигэр эһиги, дальнобойщиктар ассоциациялара, күүс-көмө буолуоххут. Бу сокуон аан бастакынан биһиги Ил Дархаммыт уонна Ил Түмэн дьокутааттара көҕүлээн, өр сылларга туруорсан, федеральнай таһымҥа ылылынна. Онон барыбытын үөрүүлээх, өрө күүрүүлээх уонна түмсүүлээх үлэ күүтэр.

Итиини-тымныыны аахсыбакка уһун айаҥҥа сылдьаҥҥыт дойдугут, дьоҥҥут-сэргэҕит олоҕо тупсарын туһугар анаммыт үлэҕит өссө да сыаналана турдун! Көнө, чэпчэки суолу уонна алгыстаах айаны баҕарабын!», – диэн эҕэрдэлээтэ Антонина Афанасьевна.

Саха Өрөспүүбүлүкэтин дальнобойщиктарын эрэгийиэннээҕи уопсастыбаннай тэрилтэтин бэрэссэдээтэлэ Евдокия Дьячковская этэринэн, «Үлэ киһитэ» тэрээһиҥҥэ өрөспүүбүлүкэттэн 54 дальнобойщик династията кэллэ. Ол аата 2-4-түү көлүөнэлээх ыраах айан суоппардарын династиялара кэлэн кыттыыны ылаллар.

Уус Алдан Суотту нэһилиэгиттэн төрүттээх Саха Өрөспүүбүлүкэтин автотырааныспарын бочуоттаах үлэһитэ Василий Неустроев 1969 сыл бэс ыйын 12 күнүгэр Дьокуускайга баар автооскуолаҕа үөрэнэн суоппар быраабын ылбыта. 1979 сыллаахха Уус Алдан оройуонун чөмпүйүөн суоппара буолбута. Онтон ыла 2016 сыллаахха дылы ГАЗ-51, Урал уо.д.а. улахан массыыналарга үлэлээбитэ. Билигин Василий Семенович бочуоттаах сынньалаҥар да сылдьан УАЗ массыынаны ыытар. Кини үс уола үһүөн аҕаларын туйаҕын хатаран дальнобойщик идэтигэр үлэлии-хамныы сылдьаллар.

1982 сыллаахтан суоппардыыр Михаил Марков эдьиийин уолаттара бары таайдарын суолун солооннор суоппар буола сылдьаллар. Улахан уола эмиэ аҕатын курдук – суоппар. Михаил Николаевич бу тэрээһиҥҥэ кэлбититтэн сүрдээхтик үөрэн туран бар дьонугар чөл, сырдык, ыраас олоҕу баҕарда.

***

Ил Түмэн пресс-сулууспата

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»