Курс валют
$
71.24
0.55
82.73
0.61
Курс валют
Курс валют
$
71.24
0.55
82.73
0.61
Меню
Поиск по сайту

Үөһээ Дьааҥыга саха сүөһүтүн иитиэхтэрэ

04.10.2021 09:19 0
Үөһээ Дьааҥыга саха сүөһүтүн иитиэхтэрэ

Бу күннэргэ,  балаҕан ыйын 27-28 күннэригэр, «Саха сүөһүтэ» хааһына тэрилтэ салайааччыта Александр Артемьев салалталаах оробуочай бөлөх Үөһээ Дьааҥы улууһугар сырытта. 

«Саха ынаҕа» хааһына тэрилтэтин салалтата уонна улуус баһылыгын солбуйааччыта Дмитрий Габышев Боронукка Мачах учаастагын сирин–уотун, оттуур сирдэрин көрөн, сэҥээрэн кэллилэр. Манна саха сүөһүтүн аҕалан ууһатыыны уонна 50 миэстэлээх аныгы, толору хааччыллыылаах хотон тутуутун боппуруостарын быһаардылар.
Тутуу үлэтэ эһиил саҕаланыа, билигин улуус дьаһалтатын иннигэр үп-харчы буларга сорук турар. Маны кытта  саха сүөһүтүн ыаллыы сытар Эбээн Бытантай Саккырыырыттан аҕалыахтара.

Ил Дархан Ыйааҕынан 2024 сылга диэри саха ынаҕын ахсаана 1000-ҕа тиэрдиллиэхтээх. Кэнники 5 сылга саха сүөһүтүн ахсаана 1,5 төгүл улаатан 2 тыһыынчаҕа диэри тиийдэ, итинтэн 760 төбө генофонднай питомниктарга, 555 – базовай хаһаайыстыбаларга, 585 – атын фермерскай хаһаайыстыбаларга.
Билигин Саха сүөһүтүн өрөспүүбүлүкэ 20 нэһилиэктэригэр, ону таһынан Дьокуускай куоракка иитэллэр. Тохсунньу 1 күнүнээҕи туругунан саха сүөһүтүн ахсаана 2095 төбөҕө тиийбит (бу 3,7 %-нан улааппыт), ол иһигэр ынаҕа — 856 төбө (эбиллии 6,2 бырыһыаҥҥа тэҥнэспит).

Ааспыт сылы кытта тэҥнээтэххэ, сүөһү уопсай ахсаана 18%-нан, онтон ыанар ынах 17 %-нан элбээбит.
Кэнники сылларга саха ынаҕар болҕомто ууруллан, бастакы толору хааччыллыылаах 120 миэстэлээх хотон Эбээн Бытантай улууһугар Баатаҕай Алыытыгар, онтон Нам улууһун Таастааҕар, Горнай Маҕараһыгар, Амма Болугуругар, Ньурба Аканатыгар, Мииринэй Сүлдьүкээригэр тутуллан үлэҕэ киирбиттэрэ.

***

СӨ «Дьааҥы оройуона» МТ дьаhалтатын пресс-сулууспата

Оставить комментарий    

АЯМ