Курс валют
$
71.83
0.15
87.21
Курс валют
Курс валют
$
71.83
0.15
87.21
Меню
Поиск по сайту

Үөһээ Бүлүү Сургуулугар барыллааһын куоластааһын буолла

15.02.2021 09:52 0
Үөһээ Бүлүү Сургуулугар барыллааһын куоластааһын буолла

Олунньу 14 күнүгэр Үөһээ Бүлүү Сургуулугар “Биир Ньыгыл Россия” партияттан баһылык дуоһунаһыгар киирсэр иһин барыллааһын куоластааһын ыытылынна.


Сургуулук нэһилиэгин баһылыгын дуоһунаһыгар икки кандидат турда: Алексей Алексеевич Тарасов, урбаанньыт, 1965 с.т. уонна Николай Николаевич Тарасов, 1989 с.т.

Барыллааһын куоластааһыҥҥа дьон-сэргэ сарсыардаттан күргүөмнээхтик кэлэн кыттыыны ыллылар. Араас мааркалаах массыына, буран, трактор көлөлөр тоҕуорустулар. Улуус саамай уһук хоту сытар, тыа хаһаайыстыбатынан хотуулаахтык дьарыктанар нэһилиэгэ инники кэскилин түстэһэн, бу куоластааһыҥҥа көхтөөҕүн биллэрдэ. Ол курдук, куоластааһыҥҥа барыта 132 киһи кытынна. Алексей Тарасов – 64, Николай Тарасов – 68 куолаһы ыллылар. Кыайыылааҕынан – Николай Тарасов буолла.

Бүгүн баһылыкка кандидаттар бастакы тургутуктарын аастылар.

Барыллааһын куоластааһыҥҥа кыттыбыт нэһилиэк олохтоохторуттан санааларын иһиттибит:

Светлана Акимова:

– Бүгүн биһиги нэһилиэккэ “Биир Ньыгыл Россия” партияттан баһылык дуоһунаһыгар киирсэр иһин барыллааһын куоластааһын ыытылынна. Биллэн турар, нэһилиэкпит сайдарыгар, саҥа оскуола, балыыһа, кулууп тутулларыгар баҕарабын.

Андрей Афанасьев:

– Мин бу үлэбиттэн быыс булан барыллааһын куоластааһыҥҥа кытынным. Нэһилиэкпит инники олоҕун-дьаһаҕын, сайдыытын түстэһэр күннэрбит үүннүлэр. Ким норуот улахан эрэлин ылбыт кыайыаҕа.

Розалия Архипова:

– Кэлин кэмсиммэт курдук баһылыкка кандидаттартан биирдэстэрин толкуйдаан талабыт. Сааһырдахха киһи толкуйа дириҥиир, кэҥиир. Талаана да тахсар, арыллар. Биир дойдулаахтарбыт тугу эмит көмөлөстөрбүт, сайыннардарбыт диэн баһылыкка туруоруналлар бөҕө буоллаҕа дии. Биһиги талыллыбыт киһиэхэ биир сүбэнэн көмө, тирэх буолуох тустаахпыт, – диэтэ.

Сургуулук нэһилиэгин баһылыгын дуоһунаһыгар быыбар муус устар 11 күнүгэр ыытыллыаҕа. Онон барыта өссө да иннигэр…

***

Валентина ФИЛИППОВА

Оставить комментарий    

Россельхозбанк
АЯМ