Курс валют
$
63.95
0.06
71.13
0.23
Курс валют
Курс валют
$
63.95
0.06
71.13
0.23
Меню
Поиск по сайту

«Якутлесресурс» филиалын саҥа дьиэтэ аһылынна

04.03.2018 13:17 1
«Якутлесресурс» филиалын саҥа дьиэтэ аһылынна

Кулун тутар 3 к. «Якутлесресурс» ГАУ Ньурбатааҕы филиалын саҥа дьиэтэ аһылынна. Манна анаммыт үөрүүлээх тэрээһиҥҥэ «Якутлесресурс» ГАУ гендириэктэрэ Вадим Новиков, улуус, куорат уонна тэрилтэлэр салайааччылара, бэрэстэбиитэллэрэ уо.д.а. кытыннылар.

«Бастион» ХЭТ дириэктэрин солбуйааччыта Семен Егоров дьиэ символическай күлүүһүн ГАУ филиалын салайааччыта Егор Филипповка туттарда.

Аалай лиэнтэни улуус баһылыга Алексей Иннокентьев, Вадим Новиков уонна Егор Филиппов быһа кырыйдылар.

Элбэх эҕэрдэ-махтал тыллар этилиннилэр, бэлэхтэр туттарылыннылар. Ааспыт сыл балаҕан ыйыттан тэрилтэ салайааччытынан ананан Егор Филиппов үлэлии сылдьар. «Начальник службы наземной охраны лесов» диэн дуоһунастаах. Кини кэпсииринэн, Ньурба куораты тумнар суол таһынааҕы сир учаастагын «Якутлесресурс» тэрилтэ 2012 с. атыыласпыт. Бу эбийиэк тутуута ааспыт сайын саҕаланан баран күһүн тутуллан бүппүт, онтон ситэриллэн оҥоһуллан үлэҕэ киирдэ. 7,5 мөл. солк. суумалаах, өрөспүүбүлүкэ үбүн суотугар тутулунна.

Генеральнай бэдэрээтчитинэн «Строй-импульс» ХЭТ буолар. Семен Егоров үлэни иилээн-саҕалаан туттарда. Сылаас автостоянкалардаах административнай дьиэ буолар. Манна бастакы этээһигэр сезоннай ойуур баһаардарын умуруорууга үлэлиир биригээдэлэрэ сынньанар сирдэрэ, иккис этээһигэр тэрилтэ хонтуората бааллар. ГАУ филиала 8 тиэхиньикэлээх, 8 үлэһиттээх. Ол иһигэр 1 салайааччы, 3 инженер, 2 тырахтарыыс уонна 2 суоппар. Эбийиэги аутсорсинговай хампаанньа 3 харабынай-оһох оттооччулара көрөллөр. «Якутлесресурс» ГАУ гендириэктэрэ Вадим Новиков эҕэрдэ тылыгар саҥа эбийиэк Ньурба улууһун салалтатын кытта бииргэ үлэлэһии түмүгэр «Якутлесресурс» тэрилтэ 10 сылыгар үлэҕэ киирбитэ бэлиэ түгэн буоларын, үлэһиттэргэ сөптөөх үчүгэй усулуобуйа тэриллибитин бэлиэтээтэ.

Улуус баһылыга Алексей Иннокентьев эбийиэк тутуллуутугар СӨ үбүн миниистирин солбуйааччыта Надежда Филиппова өҥөтүн бэлиэтээтэ, тэрилтэ салайааччыта Егор Филипповка Эҕэрдэ суругу туттарда.

***

Источник: Ньурба улууһун дьаһалтатын пресс-сулууспата

Обсуждение • 1

Добавить комментарий
  1. Сырдата олорун

    Ньурбалар айдааннарын ааган-ааган салган олоробут
    СитиЬиилэрин туЬунан сырдата олорун
    Ити Сунтаардар курдук — кинилэр турбуттарын-олорбуттарын барытын сырдата сылдьаллар, ол аагарга астык

Оставить комментарий    

!