Бииргэ үлэлэһии туһунан Сөбүлэҥ олоххо киирэн, бэҕэһээ, ахсынньы 18 күнүгэр Хатыыга 8 киһи буран, матасыыкыл ыытарга А1 категориялаах дастабырыанньа ылла. Онтон 3 — оскуола оҕото, 5 — Хатыы олохтоохторо.
Хатыы орто оскуолатын базатыгар ирдэбилгэ сөп түбэһэр кылаас тэриллэн үлэлиир. Манна анаан Хатыы оскуолатын учуутала Федор Федорович Анисимов Ньурбатааҕы техникумҥа эрдэ үөрэнэн сибидиэтэлистибэ ылбыта уонна бэйэтин нэһилиэгэр 1 ый устата баҕалаах дьону үөрэттэ.
Бэҕэһээ техникум дириэктэрин эбии үөрэх чааһыгар солбуйааччыта Егор Афанасьев Хатыыга тиийэн маастары кытары эксээмэн тутта итиэннэ үөрүүлээх быһыыга-майгыга тута дастабырыанньаларын туттартаата.
Бу курдук ыраах сытар нэһилиэк Ньурбатааҕы теникуму кытары ситимнээх үлэтин биир үтүө холобура буолар.
***
Ньурбатааҕы техникум пресс-сулууспата
Оставить комментарий