Курс валют
$
92.37
0.1
99.53
Курс валют
Курс валют
$
92.37
0.1
99.53
Меню
Поиск по сайту

Владимир Солодов Сунтаар улууһун нэһилиэктэринэн сырытта

05.08.2019 10:01 0
Владимир Солодов Сунтаар улууһун нэһилиэктэринэн сырытта

СӨ бырабыытылыстыбатын бэрэсэдээтэлэ Владимир Солодов Сунтаар улууһун баһылыгын Анатолий Григорьевы кытары нэһилиэктэринэн сылдьан тэрилтэлэр тутаах салайааччыларын уонна олохтоохтору кытта көрүстүлэр.


Элгээйи нэһилиэгэр Б.Н. Андреев аатынан айылҕа музейын уонна участоктааҕы гериатрическай балыыһа тутуутун бырайыагын көрдүлэр-иһиттилэр. Салгыы Кэмпэндээйи нэһилиэгэр тийэн, Г.Е. Чолбодуков аатынан санаторий туругун уонна үлэтин-хамнаһын көрдүлэр.

Сунтаарбыт улууһун дьаһалтатын туруорсуутунан, хас да төгүлүн СӨ бырабыытылыстыбатын таһымыгар көрүллүбүт улууспут инники сайдыытыгар улахан хайысха буолар «Инникитин социально-экономическэй сайдыыга туһааннаах сир» тутуутун билистилэр. Бырайыак сүрүн сыала-соруга – Кэмпэндээйи кластерын сайыннарыы, тутуу эйгэтигэр цеолиттан саҥа инновационнай матырыйаалы оҥорон таһаарыы, чох уонна туус хостооһунун тэрийии буолар. Манна сүрүннээн «Сунтарцеолит» уонна туус хостуур «Кэмпэндээйи» хампаанньата тутаах тэрилтэлэртэн биир бастыҥнар кэккэлэригэр сылдьаллар. Олохтоох нэһилиэнньэни үлэ миэстэтинэн хааччыйан, ону таһынан улууска инновационнай технологияны сайыннарыыга киллэрбит кылааттара сүдү.

Нэһилиэктэр баһылыктарын, улуус актыыбын, тэрилтэ салайааччыларын кытары көрсөн Владимир Солодов үлэтин-хамнаһын туһунан билиһиннэрдэ, ону таһынан социальнай тэрилтэлэр ситимнэрин сааһылыыр боппуруоска сүбэ мунньах ыытылынна.

Сүбэ мунньахха Федерация Сэбиэтин сенатора Александр Акимов, бырабыытылыстыба бэрэсэдээтэлин бастакы солбуйааччы Алексей Стручков, СӨ үөрэҕин уонна наукатын миниистирин I-кы солбуйааччыта Ирина Любимова, СӨ култуура миниистирин солбуйааччы Владислав Левочкин, СӨ экономика миниистирин солбуйааччы Татьяна Лебедева, СӨ доруобуйа харыстабылын миниистирин солбуйааччы Марина Максимова, Сунтаар улууһун Аҕа баһылыга Анатолий Григорьев кыттыыны ыллылар.

Мунньахха тэрилтэ салайааччылара ыйытыылары биэрдилэр, ону тэҥэ суругунан этиилэри киллэрдилэр. Тустаах боппуруостар ыл да тутатына быһаарыллыбаттарын, ол этиилэри көрөргө, ырытарга анал оробуочай бөлөх тэриллиэ диэн иһитиннэрдэ.

***

«Сунтаар улууһа (оройуона)» муниципальнай оройуон дьаһалтатын пресс-сулууспата.

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»