Улуус номохторо, үһүйээннэрэ. АБЫЙ (Абый улууһа)

Мин олорор сирим аата Абый. Бу аат хайдах үөскээбитэй диир буоллахха, миэхэ Чуука эмээхсин (толору аатын билбэппин) маннык кэпсиир: «Урут Абыйга онон-манан эрэ аҕыйах дьиэ баар үһү. Киһитэ-сүөһүтэ отой аҕыйах эбит. Манна аан бастаан, ким да суоҕуна, биир эбээн үктэммит. Аата Абый диэн эбит. Кини манна наһаа өр олорбут. Күн тура-тура бултуу тахсар үһү. Ол саҕана булт хара баһаам үһү. Онтон, өлбүтүн кэннэ, олорбут балаҕанын Абый балаҕана диэн ааттаабыттар. Кэлин ууһаан-тэнийэн бөһүөлэги эмиэ Абый диэн ааттаабыттар».

***

Светлана Стручкова. 1960-с сс. Бүлүүтээҕи педучилище I кууруска үөрэнэ сылдьан суруйбут. Багдарыын Сүлбэ «Талыллыбыт улэлэр» кинигэтиттэн, 2013.