Улуус баһылыгын Саҥа дьыллааҕы харыйатыгар үөрэххэ элбэх ситиһиилээх, активист уонна спортсмен оҕолор түмсэллэр

Тохсунньу 14 күнүгэр, үтүө үгэс быһыытынан улуус бары оскуолаларыттан уопсайа 120 өркөн өйдөөх, тобуллаҕас толкуйдаах  оҕолорго анал наҕараадалар туттарылыннылар. Улууспут Аҕа баһылыга Анатолий Григорьев киэн туттар кэнчээри кэскиллэрбитигэр тапталлаах төрөөбүтдойдубут аатын үрдүктүк ааттатар, үтүө дьон буолан үтүмэн үгүс ситиһиилэниҥ, чаҕылхай арыйыыланыҥ –  диэн баҕаран туран 2019 сыл түмүгүнэн улуус Аҕа баһылыгын гранын 30 оҕоҕотуттарда.

Олимпиадаларга, научно-практическай конференцияларга үрдүк ситиһиилээх үөрэнээччилэргэ анал бэлэхтэри баһылыгы социальнай уонна имиджевэй бэлиитикэҕэ солбуйааччы Гаврил Еремеев15 оҕоҕо туттарда.

Үөрэхтэригэр ситиһиилэрин иһин анал бэлэхтэри үөрэх управлениятын салайааччыта Альберт Иванов 16 оҕоҕо туттарда.

Ырыа ымыылаах, үҥкүү куттаах, талба талааннаах ситиһиилээх ыччаттарага анал бэлэхтэри култуура уонна духуобунай сайдыы управлениетын салайааччыта Мария Кобельянова12 оҕоҕо туттарда.

Спортка үрдүк ситиһиилэрдээх бастыҥ үөрэнээччилэргэ анал бэлэхтэри спорт салаатын салайааччыта Семен Павлов 23 оҕоҕо туттарда.

Улуус араас таһымнаах общественнай олоҕор көхтөөхтүк кыттар, куруук инники күөҥҥэ сылдьар лидер үөрэнээччилэргэ анал бэлэхтэри ыччат бэлиитикэтин салаатын салайааччыта Евгений Данилов 24 оҕоҕо туттарда.

***

“Сунтаар улууһа (оройуона)” муниципальнай оройуон дьаһалтатын пресс-сулууспата