Тыа хаһаайыстыбатын техникалара кэллилэр 

Тыа хаһаайыстыбатын Министерствотын программатынан, ынах-сүөһү эбии аһылыгын оҥорон таһаарыы хайысхатын сайыннарыыга, сир оҥоруутун үлэтигэр туттуллар техникаларынан хааччыллыыга улуус дьаһалтатын, тыа хаһаайыстыбатын Управлениетын өттүлэриттэн үлэ көдьүүстээхтик баран иһэр. 

⠀⠀Кэлиҥҥи үс сылга утарыта үбү-харчыны көрөн, Мэҥэ Хаҥалас улууһугар сири кытта үлэлиир хаһаайыстыбаларга 28 саҥа техника атыылаһылынна. Бу техникалар уопсай суммалара 39 мөл. солкуобайтан тахса. 

⠀⠀Улуус хааһыналарыгар ынахха-сүөһүгэ бурдугу ыһыынан дьарыктанар 18 хаһаайыстыба конкурска кыттан, 90% субсидиялаах техникалары ыллылар. 

Ол курдук, манна 3 үрдүк кыамталаах, сиргэ үлэлиир тыраахтардар, 3 бурдугу ыһар комплекстар,  7 бурдук ыһар сеялкалар, 6 прицепной бороналар, 3 фреза, 4 суха, 1 уоҕурдуу киллэрэр прицепной техникалар бааллар. Ону тэҥэ, былырыын Тумулга чааһынай урбаанньыт Тимур Десяткин 1 комбикорм оҥорор тимир көлөнү ылан күн бүгүн үлэлэтэ турар.

***

Улуус дьаһалтатын пресс-сулууспата