Курс валют
$
92.59
0.02
100.27
Курс валют
Курс валют
$
92.59
0.02
100.27
Меню
Поиск по сайту

Тыа хаһаайыстыбатын салалтата бөҕөргөөтө

26.03.2018 13:34 0
Тыа хаһаайыстыбатын салалтата бөҕөргөөтө

Республика Ил Дархана Егор Афанасьевич Борисов, бу күннэргэ, Правительство тутулугар уларытыылары киллэрдэ. Ыйаахтар тыа хаһаайыстыбатын эйгэтин кытта ыкса ситимнээхтэр. Бу уларыйыылар тустарынан ыччаты, ол аата тыа хаһаайыстыбатын салаатын инники сайдыытыгар туһалыахтаах дьону иитэр-үөрэтэр хайысхаҕа санаатын ууран, хоннохтоохтук үлэлии сылдьар Саха Государственнай тыа хаһаайыстыбатын академиятын ректора Иван Иванович Слепцов санаатын үллэһиннэ:
«Егор Афанасьевич тыа хаһаайыстыбатын салаатын бөҕөргөтөргө улахан соругу туруорда.
Тыйыс тымныылаах дойдубутугар биһигиттэн ордук ким да сири таҥастаан, сүөһү, сылгы ииттэн олорор кыаҕа суох. Ол иһин урут да, билигин да биһиги салайааччыларбыт тыа хаһаайыстыбатыгар улахан болҕомтону уураллар.
Салалтаҕа араас таһымнаах кыһалҕаны быһаарыы ирдэбилэ тиһигин быспакка турар. Онон Петр Николаевич Алексеев – СР-тын Правительствотын бэрэсэдээтэлин бастакы солбуйааччы дуоһунаһыгар стратегическай хабааннаах боппуруостарга үлэтэ күүһүрүө диэн сабаҕалыыбын. Онтон тыа хаһаайыстыбатын министрин эбээһинэһин толорооччунан саҥа анаммыт Александр Павлович Атласов бу салааҕа үлэлиир дьон көҕүн холбоон, ону өйөөн, кинилэри бэйэтин тула мунньан күүстээх хамсааһыны таһаарыа диэн эрэнэбин. Кини идэтинэн – агрономунан үлэлээбит, нэһилиэккэ, улууска баһылыктаан тэрийээччи быһыытынан сиппит-хоппут киһи.
Тыа сирин сайдыытын экономика сүрүн хайысхатын быһыытынан сөптөөхтүк сыаналааһын, дьон олоҕун тупсарыыга улахан суолталаах. СР-тын Правительствотын бэрэсэдээтэлин бастакы солбуйааччы дуоһунаһыгар анаммыт Михаил Анатольевич Осипов Тимирязев аатынан Москватааҕы тыа хаһаайыстыбатын академиятын выпускнига. Тыа хаһаайыстыбатын салаатыгар иитиллэн тахсыбыт эдэр салайааччы, биһиги академиябыт выпускнига Денис Георгиевич Белозеров экономика министрин эбээһинэһин толорооччунан ананна. Манна даҕатан эттэхпинэ, республика улууһун баһылыктарыттан 12-лэрэ Саха государственнай тыа хаһаайыстыбатын академиятын бүтэрбит уонна дойду атын үөрэҕин кыһаларыгар бу хайысхаҕа идэ ылбыт уолаттар. Бу республика олохтоохторун сүрүн дьарыктарын туоһулуур мэктиэ. Онон тыа сирин салайдыытыгар саҥа киирбит уларыйыылар үлэни сомоҕолуурга кыахтаахтык уонна далааһыннаахтык дьайыахтара диэн эрэнэбин».

***

Источник: Саха Государственнай тыа хаһаайыстыбатын академиятын
общественноһы кытта үлэҕэ салаата

Шиномонтаж Левша

СахаСтройПлит
Cтоматология 32
«Стоматология Все 32»