Курс валют
$
74
0.36
89.62
0.31
Курс валют
Курс валют
$
74
0.36
89.62
0.31
Меню
Поиск по сайту

Тутуу эбийиэктэрин көрдүлэр-иһиттилэр

22.04.2021 08:28 0
Тутуу эбийиэктэрин көрдүлэр-иһиттилэр

Муус устар 21 күнүгэр, улуус Аҕа баһылыга Анатолий Григорьев, тутуу комплексын управлениетын салайааччыта Иван Егоров, исписсэлиистэр Виктор Ефремов уонна Уйгулаана Павлова Сиэйэ, Кутана, Элгээйи уонна Күндэйэ нэһилиэктэригэр улуус үбүлээһиниттэн көрүллүбүт бара турар тутуу хаамыытын, хачыстыбатын билистилэр. 


Сиэйэ нэһилиэгэр, нэһилиэк баһылыга Алексей Обоюков 50 миэстэлээх «Сарыал» оҕо саадыгар сырытыннарда. Онно былырыын сарайын уларытыытыгар үлэ ыытыллыбыт буоллаҕына быйыл дьиэ ис өттүгэр истиэнэлэрин, муостатын уонна благоустройстватын өрөмүөннүүрү былааннаатылар. Салгыы саҥа тутулла турар культурнай спортивнай комплекс эбийиэгин көрдүлэр-иһиттилэр. Онно билигин дьиэтэ таҥыллан турар, үлэни ХЭТ «Туйгун» тэрилтэ ыытар, болдьохтоммут былаанынан сотору иһигэр бастакы уонна иккис этээс муосталара, тас өттүгэр түннүк, аан олордуута уонна үктэл уурааһыныгар киириэхтэрэ.

Кутана нэһилиэгэр, «Хаарбах туруктаах дьиэттэн дьону көһөрүү» бырагыраамматынан нэһилиэк киинигэр 12 кыбартыыралаах благоустроеннай таас дьиэ тутуутун нэһилиэк баһылыга Николай Давыдов сырдатта.  Манна Владислав Крыжановскай салайааччылаах ХЭТ “Айан-Суол” үлэ ыытар, билигин эбийиэккэ Андрей Варламов прорабтаах уонтан тахса үлэһит бастакы этээс калонналарын кута сылдьаллар, алларааҥҥы этээс сабыыта бүппүт. Дьиэ бу сыл төрдүс кыбаарталыгар бэлэм буолан үлэҕэ киириэхтээх.

Элгээйи нэһилиэгэр, «ППМИ» бырагырааматынан «Туойдаах Алаас» түмэлин дьиэтин өрөмүөнүгэр сөбүлэҥ түһэрсиитэ ситтэҕинэ үлэ ыытарга аукцион оҥоһуллуохтаах. Нэһилиэк баһылыга Гаврил Яковлев иһитиннэрбитинэн дьон олорор усулуобуйата тупсарыгар нэһилиэк бэйэтин бүдьүөтүттэн уон ыалга көмө көрүллүбүт.

Күндэйэ нэһилиэгэр, нэһилиэк баһылыга Иван Константинов 50 миэстэлээх оҕо уһуйаанын территориятыгар свая түспүтүн көрдөрдө. Эбийиэккэ салгыы үлэ ыытарга дөкөмүөнэ ситтэҕинэ аукциоҥҥа таһаарыахтара.

***

«Сунтаар улууhа (оройуона)» муниципальнай оройуон дьаһалтатын пресс – сулууспата.

Оставить комментарий    

Россельхозбанк
АЯМ