ТУЙМААДАЛАР СААСКЫ ЫҺЫЫ ХАМПААННЬАТЫГАР КИИРЭН ЭРЭЛЛЭР

Бу күннэргэ “Туймаада” Агрохолдинг хаһаайыстыбалара сааскы ыһыы хампаанньатын саҕалаан бааһыналарга техника киирдэ. Бу иннинэ ыһыы үлэтигэр бэлэмнэнии тэрээһиннээхтик ыытыллан 410 тн сиэмэ, 280 тн уоҕурдуу аҕалыллан хаһаайыстыбаларга тиэрдиллэн турар.

Уопсайа агрохолдинг үрдүнэн 3373 гектар сиргэ ыһыы ыытыллыахтаах. Хаһаайыстыбаларынан ылан көрдөххө, «Өлүөхүмэ кыладабыайа» ХЭТ-гэр 755 га, «Туймаада» эко-пиэрмэ Нөмүгү отделениетыгар 780, Дьокуускай өттүгэр 324 га, «Бөртө» хаһаайыстыбаҕа 750 га, «Новай» сопхуоска 414 га уонна «Победа» ХЭТ-ҕэ 300 га сиргэ ыһыы ыытыллыахтаах. Хаһаайыстыбалар сүрүннээн эбиэс, кукуруза, подсолнух, горуох, вика, судан ыһарга былааннаналлар. Туустаах сирдэргэ «Сорго» диэн культураны ыһыахтара. Быйылгы ыһыы хампаанньатыгар 95 тиэхиникэ бааһыналарга киириэҕэ. Хаһаайыстыбалар быйыл эбии 18 тиэхиникэ арааһын атыылаһарга былааннаналлар. Онтон 6 тиэхиникэ кэлэн турар. Үлэ кэмигэр саҕаламмыт. 

Манна эбэн эттэххэ Өлүөхүмэлэр бу ый 21 күнүгэр үгэскэ кубулуйбут «Первая борозда» диэн тэрээһини бырааһынньыктыы быһыыга-майгыга ыыппыттар. Тэрээһиҥҥэ механизатордар, салайааччылар бары кэлэн кыттыыны ылан ыһыы үлэтэ толору ыытыллан кэмигэр бүтэрин ситиһэр сыаллаах үлэлииллэрин бигэ эрэллээхтэрин көрдөрдүлэр.

Агрохолдинг үлэһиттэрэ бигэ эрэллээхтэр, бу сааскы ыһыы кэмигэр толору хаачыстыбалаахтык ыытыллыытын түмүгэр үрдүк үүнүүнү ылан кэлэр кыстыкка сүөһүнү толору аһылыгынан хааччыйан бородууксуйа улаатыытыгар бу үлэ суолтата олус улахан. Онтон былаан быһыытынан агрохолдинг хаһаайыстыбалара  күһүн 10190 тн сиилэһи,  3880 тн сенаж ылыллыахтаахтар. 

***

Прокопий ХАБАРОВ