Курс валют
$
92.59
0.02
100.27
Курс валют
Курс валют
$
92.59
0.02
100.27
Меню
Поиск по сайту

ТУЙМААДАЛАР ОТ БЫЛААНЫН ТОЛОРДУЛАР

16.09.2020 22:17 1
ТУЙМААДАЛАР ОТ БЫЛААНЫН ТОЛОРДУЛАР

⁣⁣Ааспыт сыллаахха “Туймаада» агрохолдиҥҥа киирбит алта хаһаайыстыба быйыл төһө да сорох сиринэн ардах, сорох сиринэн курааннаан мэһэйдэр үөскээбиттэрин иһин туруоруллубут соруктарын толордулар. Ол курдук былаан 7200т. эбит буоллаҕына бу ый 15 күнүнээҕи туругунан 7703т. от бэлэмнэммит. Ону таһынан 8936,7т. сиилэс, 2536,6т. сенаж уонна 356т. күөх конвейер (зеленка) бэлэмнэнэн кыстыкка толору астаах киирэр кыахтаммыттар.⁣⁣⠀


Быйылгы сайын от үүнүүтэ куһаҕана суох буолан ордук тэтимнээхтик “Бөртө сылгы собуота” ХЭТ отчуттара оттоон былааннарын 123% толорон 3076т. оту бэлэмнээбиттэр, 1000т. сиилэс былааннаахтарын куоһаран 1180т. укпуттар, ону таһынан 810т. сенажтаахтар. Манна от хампаанньатын ыытыыга тэрээһин боппуруостарын сөптөөх хайысханан ыытыы улахан оруолу ылбытын этэр наадалаах.⁣⁣⠀
⁣⁣⠀
⁣⁣
Ол оннугар Өлүөхүмэҕэ сайын бастакы ыйдара ардахтаах буолан от үлэтигэр атахтааһыны оҥоро сыста. Ол эрээри “Кладовая Олекмы” ХЭТ үлэһит дьоно онтон иҥнибэккэ 947т. оту, 2272т. сиилэһи, 1100т. сенаж бэлэмнээбиттэр.⁣⁣⠀
Тааттаҕа баар “Победа” сиригэр быйылгы дьыл от эриэ-дэхситик үүммэтэх, сорох сиринэн курааннаабыт, сорох сиринэн син үүммүт, онон оттуурга кыах баар курдук эрээри техника эргэрэн мэһэйдэри үөскэтэ сыспыта. Ол эрээри агрохолдинг көмөтүнэн оттуур техника атыылаһыллан победалар окко да, сенажка да былааннарын куоһардылар. Ол курдук окко былааннарын 116% толорон 870т. оттоохтор, 140т. сенаж бэлэмниэхтээх эбит буоллаҕына 270т. сенаж бэлэмнэммит.⁣⁣⠀

⁣⁣⠀⁣⁣⠀Быйылгыттан ыла Нөмүгүгэ уонна племхолбоһукка баар хаһаайыстыбалар биир тэрилтэҕэ “Туймаада” Экоферма диэн хааччахтаммыт эппиэтинэстээх тэрилтэҕэ киирбиттэрэ. Бу хаһаайыстыбалар окко эмиэ бэрт тэрээһиннээхтик киирбиттэрэ. Ол түмүгэр Нөмүгүлэр 1105,7т. оттоммуттар, 2648,7т. сиилэстэммиттэр, 266т. сенажтаммыттар. Онтон Дьокуускайга баар хаһаайыстыба 1400т. от былааннааҕын аһаран 1444т. оттообут.⁣⁣⠀
⁣⁣⠀
Онтон Мииринэй оройуонугар баар “Арыылаах” хаһаайыстыбата отторун былаанын төһө да 74% толордор сенажтарын кыайа туппуттар. Ол курдук былааннарын 192% толорон билиҥҥитэ 270т. сенажтаахтар.⁣⁣⠀


Дьэ ити курдук “Туймаада” агрохолдинг хаһаайыстыбалара отторун былаанын толорон кыстыкка быйыл бэлэмнээх киирэн иһэллэр. Маннык биир бөдөҥ тэрилтэ иһинэн хаһаайыстыбалар киирэн үлэлэрин тэрийэн ыытыылара билиҥҥи кэмҥэ олус табыгастаах. Ордук от хампаанньатын ыытыыга, сааскы күһүҥҥү бааһына үлэлэригэр бэйэ бэйэни ситэрсэн, көмөлүсүһэн үлэлииллэрэ түмүктэри биэрэрэ чуолкай.⁣⁣⠀

***
Прокопий ХАБАРОВ 

Обсуждение • 1

Добавить комментарий
  1. Мэхээлэ.

    Сыл аайы былаан туолар диэн докладтыыллар, кыhын от тиийбэт аатырар, бюджеттан харчы кердерен от атыылаhаллар, таhАлла.

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»