“Туймаада Агрохолдинг” хаһаайыстыбаларыгар төрүөх үгэнэ

“Туймаада Агрохолдинг” ААУо-ҕа барыта 5 ынах сүөһү иитиитинэн дьарыктанар хаһаайыстыбалар бааллар. Онно 4634 ынах сүөһү, ол иһигэр 1723 ынах баар. Бу күннэргэ төүрүөх үгэннээн турар кэмэ. Ол курдук бастакы квартал түмүгүнэн 849 ньирэй төрөөбүт.

“Кладовая Олекмы” ХЭТ кэккэ сылларга тэрээһин үлэтигэр уларытыылары киллэрэн төрүөҕү ылыылара сылтан сыл тупсан иһэр. Бу хаһаайыстыбаҕа барыта 1124 ынах сүөһү турар буоллаҕына ынаҕа 370 төбө. Билиҥҥи туругунан 340 ньирэй төрөөбүт. Бу сыл саҕаланыаҕыттан хаһаайыстыба үрдүнэн 348 туонна үүт ыаммыт.

“Бөртө сылгы собуота” ХЭТ өрөспүүбүлүкэҕэ биир биллэр улахан хаһаайыстыба. Кинилэр сүөһүлэрин ахсаана 1072 төбөҕө тэҥнэһэр. Ынахтара 330. Бу да хаһаайыстыбаҕа төрүөх ылыы куһаҕана суох. Бу ый саҕаланыар диэри хайыы-үйэ 201 ынах төрөөбүт. Үүт да ыама үрдээн ыанньыксыттар 114,6 туонна үүтү ыабыттар.

Агрохолдинг биир улахан хаһаайыстыбатыгар “Туймаада экофермаҕа” 1361 ынах сүөһү турар. Ынаҕа 543. Бу хаһаайыстыбаҕа билиҥҥитэ 206 ньирэйи ылбыттар. Сыл үс ыйыгар барыта 268 туонна үүт ыаммыт.

Уруккута “Новай” совхоз, билиҥҥитэ “Новай” ХЭТ агрохолдиҥҥа ааспыт сылтан киирэн үлэлии сылдьар. Онтон ыла кэккэ уларыйыылар киирэн,  эбии үүттээх боруода сүөһүлэри атыылаһан кимиилээхтик үлэлии сылдьар хаһаайыстыба. Манна барыта 767 ынах сүөһү турар буоллаҕына ынаҕа 338. Билиҥҥитэ хаһаайыстыбаҕа 95 ынах төрөөбүт. Үүт ыама боруода уларытыллан үрдүк. Ол курдук сыл саҕаланыаҕыттан 269 туонна үүтү ыабытттар.

Ити чахчылар ааспыт квартал түмүгүнэн бэриллибит буолан бүгүҥҥү күҥҥэ элбэх уларыйыы тахсыбыта чуолкай. Манна биири эбэн этиэххэ сөп. Бу хаһаайыстыбалар ити ситиһиилэрэ онно үлэлиир ыанньыксыттар, специалистар уонна агрохолдинг таһымынан хаһаайыстыбалар туруктаах буолууларыгар туһаайыллар үлэ ыытыллыытын түмүгэ диэтэхпитинэ сыыспаппыт буолуо.

***

Прокопий ХАБАРОВ