Тойуктаах Маарыйаны 90 сааһынан эҕэрдэлээтилэр

Ыам ыйын 12 күнүгэр, ытык-мааны тумус туттар норуот ырыаһытын, СӨ култууратын үтүөлээх үлэһитин, Сунтаар улууһун бочуоттаах олохтооҕун Мария Ивановна Егорованы 90 сааһын бэлиэтиир өрөгөйдөөх үбүлүөйүнэн оройуон дьаһалтатын уонна оройуон депутаттарын Сэбиэтин ааттарыттан улуус Аҕа баһылыгын социальнай уонна имиджевай политикаҕа солбуйааччы Гаврил Еремеев эҕэрдэлээн туран, төрүт култуурабыт сайдыытыгар киллэрбит сүдү кылаатыҥ иһин махтал маанытын анаата.

Бүгүҥҥү үөрүүлээх күнүнэн ытыктыыр киһилэрин Сунтаар нэһилиэгин баһылыгын солбуйааччы Федор Федоров, Сунтаар улууһун култууратын уонна айылгытын саламтатын салайааччыта Мария Кобельянова, улуустааҕы оһуохай түмсүүтүн салайааччыта Саргылана Меркурьева, “Матери России” уопсастыбаннай хамсааһын түмсүүтүн чилиэттэрэ уонна чугас дьоно-сэргэтэ кэлэн эҕэрдэлээтилэр.

***