Биһиэхэ, Кытыл-Дьурааҕа, оннук кэрэ киэһээ ааста. Быйыл биллэриллибит Норуоттар сомоҕолоһууларын, Култуура уонна Биир санаанан айан-тутан түмсүүлээх буолуу сылларыгар аналлаах тэрээһиммит улуу суруйааччыларыттан биирдэстэрэ, драматург, прозаик, саха уус-уран литературабытын төрүттээччилэрин кэккэлэриттэн Ньукулай Ностуруойап суруйбут «Тиэтэйбит» кэмиэдьийэтин туруорууннан саҕаланна.
Тыа сирин үлэтин-хамнаһын, олоҕун ортотугар сүрдээх, айылҕаттан талааннаах дьон баарын бу да киэһээҥҥи испэктээх итэҕэттэ, сөхтөрдө. Ити аа-дьуо хааман налыҥнаһан киирбит сэниэ баай кырдьаҕас Күөс Бүөтүр, дьиэлээх хотун Марыына, наҥнарыҥнаабыт кэргэн дьахтар, мааны уол, омуннуран ойор-тэбэр Омуннаах Уйбаан, мааны огдообо Аллаах Алааппыйа, ыалдьан нэһиилэ өкөҥнүүр Огдооччуйа, саҥаран хаҥынайбыт Сэмэн, доҕоро буолааччы Сүөдэр, бу барыта,биһиги күн аайы көрсөр биир дойдулаахтарбыт эбээт. Тыйаатыр, сыана киһини дьэ сатаан уларытар, дьүһүн кубулутар. Көрөөччүлэрбит ытыс таһынан, күлсэн оонньооччулары бэркэ өйөөтүлэр.
Бэрт истиҥ, иэйиилээх кэрэ киэһэни биһиэхэ бэлэхтээбит драм-түмсүү кыттааччыларыгар: Владислав Филипповка, Людмила Мордовскайаҕа, Альбина Осиповаҕа, Мира Петроваҕа, Олег Емельяновка, Эдуард Осиповка, туруорааччыбытыгар, оонньууга кыттыбыт Балжит Емельяноваҕа, Аделина Мордовскайаҕа, 7 кылаас үөрэнээччитэ Айсен Николаевка, музыканнан киэргэтээччи Эдуард Осиповка, «Реверанс» үҥкүү куруһуогун кыттааччыларыгар, ырыаһыт Анна Матвееваҕа барҕа махталбытын тиэрдэбит. Өссө да маннык көхтөөх тэрээһиннэр, дьоро киэһээлэр биһиги нэһилиэкпитигэр ыытылла турдуннар диэн, кэтэһэбит. Ситиһиилэри, айар талааҥҥыт өссө үрдүк саҕахтарга таластын диэн баҕа санаабытынтиэрдэбит.
***
Мира Петрова-Ай Уран, олохтоох бибилэтиэкэр. Кытыл Дьура Газета “Хаҥалас” (“Хангалас”)
Оставить комментарий