Курс валют
$
87.74
0.25
95.76
0.08
Курс валют
Курс валют
$
87.74
0.25
95.76
0.08
Меню
Поиск по сайту

Түүҥҥү мунньахсыттар

10.03.2023 17:20 10
Түүҥҥү мунньахсыттар

Дьоллоох Дьокуускай куорат хабыллар хаба ортотугар турар “Тыгын Дархан” көстүүнэй түүҥҥү мунньахсыттар түһүлгэлэрэ буолбут. Дьокутаат дуоһунастаах норуот кулуттара аһыыр астара да ас буолбат, утуйар уулара да уу буолбат, норуот туһугар көмүс көлөһүннэрин тоҕон сүүрэн-көтөн сүрэх-бэлэс мааны дьон бэрдэ буоллаҕа.

Улуустарга олорор чаччыыналар Дьокуускайга былыр-былыргыттан хонор-өрүүр, аһыыр-сиир сирдэрэ “Тыгын Дархан”. Ил Түмэнтэн, правительство дьиэлэриттэн чугас турар, онон үлэҕэ барарга-кэлэргэ табыгастаах көстүүнэй.

Ол курдук биир түүн көстүүнэйгэ хомуньуус Сергей Никонов, эсер Софрон Афанасьев, өссө биир эсер Олег Пустовой диэн Ил Түмэн дьокутааттара мустан саахыматтыы таарыйа сааскы ыһыы туһунан,  халаан, ойуур баһаарын, Өлүөнэни туоруур муоста тутуутун туһунан сүрдээх улаханнык мунньахтаабыттар.

От-мас үлэтин, таһаҕас таһыытын быһаарсан баран, эт киһи элэйэр, сыа киһи сылайар буоллаҕа, аллараа эрэстэрээҥҥэ түһэн чороонноох кымыс испиттэр, ымдаан амсайбыттар. Караокеҕа Россия уонна Саха Республикатын гимнын уонна норуот таптыыр ырыаларын “Калинка-малинканы”, “Таптыыбын Сахам сирин” диэн “Туймаада” государственнай вокальнай ансаамбыл репертуарыттан быһа тардан ыллаабыттар.  Манан диэн эттэххэ, эсер Афанасьевтан ураты Никоновтаах Пустовой  Дьокуускайга түһэр-хонор сирдэрэ суох буолан көстүүнэйгэ түһэргэ күһэллэллэр.

Патриотическай ырыаны ыллыы олордохторуна, ыаллыы остоулга олорбут саастаах эрээри соччо-бачча эппиэтинэһэ суох көрүҥнээх түөрт дьахтар дьокутааттар диэки кылап-халап көрөн барбыттар. Дьокутааттар ымыр да гыммакка, салгыы ыллаан ыыра барыы. Ону ол диэбэккэ дьахталлар обургулар  аны араастаан түүрүллэ-түүрүллэ эриллэҥнээбиттэр, сыстаҥнаан барбыттар. Норуот кулуттара ону да тулуйбуттар уонна мунньаҕы бүтэрэн тарҕаһарга быһаарбыттар.

Норуот дьокутаата Сергей Никонов, эппиэтинэһэ бэрт буолан буолуо, биир дьахтары көнө суолга туруораары хоһугар киллэрэн лекция аахпыт.  Кини хоһун анныгар хос устубут Пустовой түүнү быһа иһиллии сатаабыт. Баҕар, Сергей лекциятигэр иҥиннэҕинэ көмө буолуом дуу диэн эрэх-тураах санаатаҕа.  Ол эрээри Никонов тугу да кыайан истибэтэх.

Билигин Никонов тутуллан хаайыллыбыт дииллэр. Лекция истибит дьахтар дьокуутаты “кырбаата, илиибин тоһутта” диэн үнсүбүт.

***

Источник – социальнай ситимтэн тылбаас. 

 

Обсуждение • 10

Добавить комментарий
  1. Электорат

    Тотон олон араас буолаллар.Дьахтарбыт да ол оссо тостон баран хайдах утуйа сытта.Кыра да ыары киьини утуппат организм ньиэрбэтэ биир.Аалан утутан да бэрт.Эчи доруобайа бэрт буолуо.Эбэтэр ол улугэр итирик дуу.Бу дьокутааты устуц.Эмиэ сиргэ сибииргэ аатырдыбыт.Интернекка ыйана сылдьар бу сонун.Дьахталлары то5о тастан киллэрэллэрий.Эбэтэр итиннэ дьокутааттары тойоттору сэргэхситэр анал бригада дуу.Дьэ дьаабы быьыы.

  2. Слава

    Дьахтар аата дьахтар. Бу да дьон

  3. Доргоон

    Дьахтарбыт да дьахтар аба5ата… Ынах тылыныы сыстан баран ара5ан бэт ини ботуук хампыат да манньага)

  4. Билэр.

    Сыһыарарга барытыгар сыстан испэт туһугар баһыҥ иһигэр мэйии диэн орган баар, ол кини толкуйдуур дьоҕурун сайыннардахха киһи быһыытын-майгытын үүнүн-тэһиинин тутарга аналлаах.

    Ханнык да омук эр дьон ТОЛКУЙДААБАТ буоларыттан эстэр эбит, ол бүгүн саха омугар дьэ дьэҥкэтик көстөр. Кырдьык урааҥхайдар, аанньарбыт киһи бэйэтин уораҕайдаах урааҥхайбын дэниэ дуо? Туох да диэбит иһин куорат дьоно бэйэтин сөпкө ааттанар, ото биирдэ эмит тыаттан кэлбит үтүктүбэккэ, куоратчыт буо. Киһиэхэ Айбыт Ийэ Өйүн иҥэрэ илигинэ бороҥ урааҥхай диэбит киһини. Быһаара да сатаатым.

  5. Билэр.

    Дьиэ, Киһи диэн үтүө, сэмэй тыллар дорҕоонноро уораҕайдаах урааҥхай диэн кураанах холбука дуорааныгар кырдьык тэҥнэһэр кыаҕа суох. Ол айыллыы, кэҕэ оҕотун көрбөт эрээри эбэтэр бииргэ иитиллибиттэрин, харайбытын курдуктары ыйыстан баран чоргуйара дьикти бэйэлээхтик иһиллэрин курдук.Холбукаҥ кураанах эрэ буолуо кэрэх, ону үтүөнү үтүктэр саҕа саныыр ханна барыай?

    Ол эрээри Киһи, Дьиэ кинилэртэн уратыта КУРУУК сылаастаах, сырдыктаах, кэскиллээх, эйэлээх,ырыата-тойуга чуумпу, иэйиилээх, тапталлаах, дьоһуннаах, толкуйдаах.

    Урааҥхайдаан олорор үтүөлээҕэ буоллар: урааҥхайдыы урааҥхай, урааҥхайдаах урааҥхай, урааҥхай урааҥхайа диэн өйдөбүл баар буолуо этэ.

    Өбүгэ барахсан: Киһилии киһи, Киһилээх киһи, Киһи киһитэ буолуҥ диэн Кэс Тыллаах. “Киһи диэн килбиэннээх ааты киэргэтэ туруҥ, үрдүктүк тутуҥ,”- диэн саха омугун үҥкүүлээбит Сергей Зверев Кэс Тыла Һунтаарга полиция дьиэтин иннигэр суолу туора суруллан турар этэ.

    • Слава

      Дьахталларгэ эт . Ейдууллэрэ саарбах. Эр киьи дьахтары керде, сутэр. Саастаах киьиэхэ оннук.

  6. Хаххан

    Суруй да суруйума да. Саха буолбатах дьону Аны кэлэн коннорбоккун.Хаамайы омук улэ уорэх суох.Ол аата мэйии итэ5эс.Онноо5ор Совет.былаас бу кыыл дьону иннин ылбата5а.70 сылы быьа норуот бэлэмэр акаары сурэ5э суох аатыран куруук льгота5а олорторо.Кытыйга эбитэ буоллар былыр уйэ5э миэстэлэрин булларбыт буолуо этилэр.Саха сирин соруйан туьэрэ эрэ сылдьаллар.Бэлэмцэ тотон олон.

  7. Хахханнаама

    Ити барыта провокация, интрига – дьахтар да, эр да киhи

  8. о5онньор

    скхалар тун былыргыттан кессуулэьэллэр этэ, уора-кесто, аьа5астык да, ол кэмэлдьибит син биир инэн сырытта5а, урук алаас са5атыгар, от-мас быыьыгар, хотон кукуурун тугэ%эр буолла5ына, билигин кестуунэйгэ кестехпут…

  9. Сова

    айуу хаьан да кулбэтэхпин куллум булан дьэ тылбаастыыллар ээ
    сахам тыла барахсан баай да5аны)))

Оставить комментарий