Сунтаарга тэриллиилээх хаһаайыстыбаларга ыһыы үлэтэ саҕаланна 

Ханнык баҕарар сүөһү-сылгы иитиитинэн дьарыктанар хаһаайыстыба, хайаан да, үчүгэй сирдээх-уоттаах буолуохтаах. Сүөһү эбии аһылыгын бэлэмнээн, туорахтаах култуураны үүннэрэн, хаһаайыстыба уйгута тупсар. 

Сунтаар улууһугар сири кытта үлэлиир тэрилтэлэр элбэхтэр. Ордук, Кириэстээххэ, Куокунуга, Тойбохойго улахан бааһыналар бааллар. Маныаха, урукку сопхуос саҕанааҕы сири-уоту чөлүгэр түһэриигэ улуус улахан болҕомтотун туһаайар. 

“Татыйыына” фирма сири кытта үлэлээбитэ, быйыл төрдүс сыла. Маннык үлэҕэ, бу кылгас кэминэн ааҕыллар. Илимнииргэ 90, Аллыҥаҕа 30, оттон быйыл бу Сабытарга 52 ГАлаах сири ыраастаатылар. 

Манна бастакы сылларыгар сири ыраастыыр сыалтан эбиэһи ыһыахтара. Оттон үүнүү өлгөм буоллаҕына эһиилгиттэн атын үүнээйилэргэ ылсыахтара.

***

Сунтаар улууһун дьаһалтатын пресс-сулууспата