Сунтаарга политехническэй саҥа лицей

Сунтаарга политехническэй лицей саҥа эбийиэгин тутуута тэтимнээхтик барар. Көрүөх бэтэрээ өттүгэр, номнуо үһүс мэндиэмэнэ дьэндэйэн, тас бараана оҥоһуллан, кырааскалана охсубут. 

Билигин 6000 кэриҥэ квадратнай миэтэрэлээх эбийиэги тутууга, силигин ситэриигэ 70 тутааччы күннэтэ үлэлиир. Кэрэхсэнэрэ диэн үксэ бэйэбит уолаттарбыт үлэлииллэр. Бу туһунан сенатор Александр Акимовы кытта мунньахха кэпсэттилэр. Сүрүннээн лицей тутуутун тула үлэни торумнаатылар. 

Үүнэр көлүөнэни үөрэтэн, иитэн-такайан таһаарар үөрэх кыһатын тутуута ахсынньы ыйга түмүктэниэхтээх. Онон эһиил лицеистэр саҥа дьиэҕэ көһөн киириэхтэрэ. 

***
Сунтаар улууhун пресс-сулууспата