Курс валют
$
62.55
0.67
69.86
0.57
Курс валют
Курс валют
$
62.55
0.67
69.86
0.57
Меню
Поиск по сайту

Сунтаарга от үлэтэ тэтимнээхтик бара турар

02.08.2019 07:56 0
Сунтаарга от үлэтэ тэтимнээхтик бара турар

От ыйын 31 күнүгэр, Улуус Аҕа баһылыга Анатолий Григорьев уонна тыа хаһаайыстыбатын салайааччыта Иван Тихонов буолан Кириэстээх уонна Куокуну нэһилиэктэрин оттуур ходуһаларын, бааһынай хайаайыстыбалары көрдүлэр.

Кириэстээх нэһилиэгэр «Бэкэй» диэн сиргэ ходуһаҕа киирэн отчуттар Иван Николаев конебазатыгар кыстыыр отун бэлэмнии сылдьарын уонна Дмитрий Игнатьев дьиэ-кэргэнинээн сирдэрин аҥаарын бүтэрэн эрэллэрин көрдүлэр-иһиттилэр. СХПК «Крестях» Бордоҥ сайылыгар бостууктар уонна ыанньыксыттар дьиэлэригэр сылдьан, «Полярная Звезда» уордьан кавалера, дьоруой ыанньыксыт Владимир Михайловы көрсөн, үлэтин-хамнаһын билистилэр, 170 ахсааннаах ыанар ынахтан 2002 туонна үүтү ылбыт. СӨ тыа хаһаайыстыбатын министерствота үбүлээһининэн кэлэр ыйтан саҥа сайылык дьиэтин тутуута былааннанар.

«Хомустаахха» отчуттар сүһүөхтэрин салайааччыта Владимир Тороп от үлэтэ тэтимнээхтик бара турар диэн сырдатта, “Таалалаах” сирин аҥаарын бүтэрбиттэр.

Нэһилиэк баһылыга Александр Григорьев быйыл улуус күрүөлээһиҥҥэ көрбүт үбүнэн оттуур ходуһаны уопсайа 35 килэмиэтир күрүөлээниэхтээҕин, олортон 13 килэмиэтир «Бэкэй» ходуһата, 7 килэмиэтир СХПК «Крестях», 15 килэмиэтир чааһынай ыалга үллэриллибит. Оттооһун кэннэ үлэни түмүктүүр сыаллаахтарын биллэрдэ.

Салгыы нэһилиэк килбэйэр киинигэр тутулла турар саҥа таас оскуола үлэтин хаамыытын билистилэр. Альберт Игнатьев салайааччылаах 40 кэриҥэ тутааччы, ону тэҥэ Кириэстээх эдэр ыччата туора турбакка күүс-көмө буолан үлэлии-хамсыы сылдьаллар. Аллараа свая түһэриитин үлэтэ бүппүт, билигин истиэнэ тутуутугар бастакы этээс ситэн, иккис этээс холлоҕоһугар киирбиттэр, былаанынан алтынньы ыйтан сарайын саайыытыгар ылсыахпыт диэн иһитиннэрдилэр. Тутуу матырыйаалын бэлэмнээһинигэр ыраахтан тиэйбэккэ, стандартка сөп түбэһэр буолан Кириэстээх тааһыттан, буоруттан оҥоһуллара табыгастааҕын уонна үлэ хаамыытын түргэтэтэр диэн бэлиэтээтилэр.

Куокуну нэһилиэгэр ыһыы бурдук бааһыналарын, үлэһиттэри көрсөн оттооһун хайдах тэтимнэхтик баран иһэрин билистилэр.

СХПК «Крестях» бэрэсэдээтэлэ Владимир Егоров үлэ хаамыытын билиһиннэрдэ 370 га бурдук, 1100 га кормовой культура ыһыллыбыт, 700 га биир сыллаах уонна 400 га өр сыллаах. Былааҥҥа 2100 туонна кыстыгы туоруур от бэлэмнэнэр. Кооператив быйыл саҥа шведскай техникалары ылбыт, ол курдук улахан бааһынаҕа үлэлиир БТЗ-243 тыраахтыр, пресс подборшик, плюшилка (оту охсон сүмэһинин ыган таһааран хатарар тэрил) уонна саҥа аныгы технологияннан үүнээйини ууннан ыһар передвижной агрегатнай тэрил ылыллан, таҥыллара хаалбыт. Алтынньы ыйга саҥа убойнай цех үлэҕэ киирэр. «Кыра Табаҕаҕа» сиилэс хомуура, горох, подсолнух тэбэн тахсыбыт, «Улахан Табаҕаҕа» ыһыы үүнүүтэ үчүгэй диэн бэлиэтээн эттилэр.

Григорий Гоголев салайааччылаах биригээдэ от үлэтин ыраатыннарбыт. Нэһилиэк баһылыга Леонид Михалев ходуһаларга күрүөлээһин уопсайа 16 килэмиэтир күрүөлээниэхтээҕин, онтон 3 килэмиэтиртэн тахсата бүппүтүн, оттооһун үлэтэ үмүрүйдэҕинэ салҕаныахтааҕын бэлиэтээтэ.

***

«Сунтаар улууhа (оройуона)» муниципальнай оройуон дьаһалтатын пресс – сулууспата

Оставить комментарий    

!