Сунтаарга оптоволокно тардылла илик нэһилиэктэригэр куйаар ситимин киллэрии боппуруостара быһаарыллар

Сунтаар улууһун Аҕа баһылыга Анатолий Григорьев ООО “ЯКСТАР” хампаанньа дириэктэрин Николай Осиповы кытта көрсөн, улууска оптоволокно тардылла илик нэһилиэктэригэр куйаар ситимин киллэрэргэ туһааннаах кэпсэтии ыытта.

Үлэни кэлэр сайыҥҥа диэри бүтэрэр курдук кэпсэттилэр. ООО «ЯКСТАР” тэрилтэ 2012 сылга тэриллэн Саха сирин араас муннуктарыгар 150 тахса нэһилиэккэ сибээс өҥөтүн киллэрбит, өрөспүүбүлүкэҕэ куйаар ситиминэн хааччыйар биир бастыҥ тэрилтэннэн биллэр.

Салҕыы  Анатолий Григорьев СӨ ОДьКХ генеральнай дириэктэрин Виталий Чикачевы кытта көрсөн, Сунтаар нэһилиэгэр 18 МВт кыамталаах саҥа муодульнай котельнай тутуутун ситэрээһинин боппуруоһугар кэпсэтии ыытта.

***

“Сунтаар улууһа (оройуона)” муниципальнай оройуон дьаһалтатын пресс-сулууспата