Курс валют
$
63.95
0.06
71.13
0.23
Курс валют
Курс валют
$
63.95
0.06
71.13
0.23
Меню
Поиск по сайту

СУНТААРГА ОЙУУР БАҺААРДАРЫН УМУРУОРУУГА ТЭРИЛТЭЛЭР, НЭҺИЛИЭННЬЭ КӨМӨҔӨ ТУРУННУЛАР

30.07.2019 08:00 0
СУНТААРГА ОЙУУР БАҺААРДАРЫН УМУРУОРУУГА ТЭРИЛТЭЛЭР, НЭҺИЛИЭННЬЭ КӨМӨҔӨ ТУРУННУЛАР

Сунтаар улууһугар Күүкэй, Күндэйэ уонна Кэмпэндээйи сиригэр-уотугар баар баһаардары умуруорууга бары күүһү-сыраны уурдулар. «АЛРОСА»-тан саҕалаан оройуон улахан тиэхиньикэлээх үгүс тэрилтэлэрэ көмөҕө туруннулар. Бэҕэһээҥҥи күнтэн  ойуур уотун бохсууга биирдиилээн дьону кытыннарыы саҕаланна. 


Сунтаар улууһун баһылыга А.В. Григорьев Күүкэй сиригэр баар ойуур баһаарын көрө-билэ, быһаарса барбытынан сибээстээн, бу нэдиэлэтээҕи оройуон тэрилтэлэрин салайааччыларын планеркатын баһылыгы бастакы солбуйааччы Николай Александров ыытта.


Николай Павлович бу күннэргэ сүрүн үлэ ойуур баһаардарын утары охсуһууга барарын этэр. Биллэрин курдук от ыйын 27 күнүттэн Сунтаар улууһугар «Повышенная готовность» режимын олохтуур туһунан дьаһал ылыллыбыта. Ол курдук, бу күннэргэ улууспут сиригэр-уотугар ордук кутталлаах баһаардарынан Күүкэй, Күндэйэ уонна Кэмпэндээйи сиригэр-уотугар баар баһаардар буолаллар. Олорго барыларыгар «АЛРОСА»- тан саҕалаан улууспут улахан тиэхиньикэлээх үгүс тэрилтэлэрэ көмөҕө туруннулар. Бүгүҥҥүттэн баһаары умуруорууга биирдиилээн дьону кытыннарыы саҕаланна. Биир бастакынан улуус дьаһалтатын 8 киһилээх биригээдэтэ бэҕэһээҥҥиттэн Күүкэй баһаарын умуруорууга ылсыста. Кэмпэндээйилэр Күндэйэ баһаарыгар бардылар. Баһаары умуруорууга кыттар баҕаларын Илимниир дьаһалтата, ол иһигэр баһылык Иппатий Иванов биир бастакынан биллэрбиттэр. Айгыр-силик айылҕабыт тыынар тыҥатын – ойууру уоттан быһааһыҥҥа сыралаах үлэ салҕанар.

Улуустааҕы ЕДДС сулууспатын салайааччыта Вячеслав Данилов, бу күннэргэ бассаап ситиминэн ойуур баһаардарын тустарынан олус күүркэтиилээх араас сонуннар кэлэллэрин дьон өйдүөн наадатын этэр. Саамай бүтэһиктээх уонна кырдьыктаах иһитиннэриини улуустааҕы ЕДДС сулууспата эрэ биэриэн сөп (төл. 22-102). Кырдьык, бэйэтэ даҕаны ыксаллаах кэмҥэ олорон «бассааптаһааччылар» бэйэ-бэйэни убаастаһан, уотунан «оонньооботторо» наада этэ.

***

Ааптар: Борис Николаев

Оставить комментарий    

!