Сунтаарга Кыыл Уолун аатынан култуура сайдыытын киинэ тутулла турар

Тохсунньу 28 күнүгэр, улууспут киинигэр Албан Аат болуоссат тутуутун боппуруоһугар Сунтаар улууһун Аҕа баһылыга Анатолий Григорьев ООО “ГЛАВСТРОЙ” хампаанньа исполнительнай директорын Федор  Попову көрсөн тутуу былааннаммыт үлэтин билистэ. Кэпсэтиигэ саҥа тутулла турар С.А. Зверев – Кыыл Уолун аатынан култуура сайдыытын уонна норуот уус-уран айымньытын киинин ис үлэтин быһаарыстылар.

Ону таhынан,  Анатолий Григорьев Доруобуйа харыстабылын министирин бастакы солбуйааччы Егор Прокопьевы көрсөн Сунтаар улууһугар сырыытын тула кэпсэттилэр. Анатолий Васильевич доруобуйа харыстабылын уларыйыыларыгар Сунтаар улууһун экологиятын учуоттаан көрөллөрүгэр этии киллэрдэ.

Бастатан туран промышленнай тэрилтэлэр ( алмаас хостуур, нефть, газ хостуур) айылҕаҕа дьайыылара, Бүлүү эбэ сүнньүнэн 13 нэһилиэк сытар ( улуус нэһилиэнньэтин улахан аҥара), Дьокуускай куораттан тыһыынча кэриҥэ ыраах сытар, хас да өрүс туорааһыннаах. Бу барыта учуоттаныахтааҕын бэлиэтээтэ.

 ***

“Сунтаар улууhа (оройуона)” муниципальнай оройуон дьаһалтатын пресс – сулууспата