Курс валют
$
88.09
0.2
96.3
0.04
Курс валют
Курс валют
$
88.09
0.2
96.3
0.04
Меню
Поиск по сайту

Сунтаарга экология сылын түмүктээтэтилэр

07.02.2020 10:11 0
Сунтаарга экология  сылын түмүктээтэтилэр

Сунтаар улууһугар 2019 сылга биллэриллибит Экология уонна нэһилиэнньэ чөл доруобуйалаах буолуутун сылын түмүкүүр уонна 2020 сылга биллэриллибит Үйэтитии уонна сүгүрүйүү сылынарыйар тэрээһин ыытылынна.


Биир санааннан салайтаран төрөөбүт дойдубут тэтимнээхтик сайдарын, дьон-сэргэ олоҕо тупсарын туһугар саҥа сылы уруйдуу көрсөбүт. Үөрүүлээх тэрээһиҥҥэ ааспыт 2019 сыл түмүгүнэн бастыҥтан бастыҥ көрдөрүүлээх, үлэни-хамнаһы өрө тутан кэлбит дьоммутугар Сунтаар улууһун баһылыга Анатолий Григорьев, улуус депутаттарын Сэбиэтин бэрэссэдээтэлэ Ульяна Попова, СӨ тулалыыр эйгэҕэ айылҕаны туһаныыга уонна ойуур хаһаайыстыбатын миниистирин көмөлөһөөччүтэ Андрей Миронов наҕараадалары туттартаатылар.

Ол курдук, Сунтаардааҕы  3 №-дээх «Чебурашка» оҕо уһуйаанын иитэччитигэр Галина Федороваҕа СӨ социальнай-экономическай сайдыытыгар кылаатын иһин СӨ Ил Дарханын грамотатын уонна үрүҥ көмүс бэлиэни туттарылынна. 13-с сылын 3-с болдьоҕор үлэлии сылдьар Түбэй нэһилиэгин баһылыгар Герман Даниловка, улуус дьаһалтатын административнай хамыыһыйатын бэрэссэдээтэлигэр Лилия Улароваҕа уонна улуус дьаһалтатын бухгалтериятын отделын салайааччытыгар Сардаана Даниловаҕа Сунтаар улууһугар олохтоох бэйэни салайыныы туруктаах буолуутугар уонна сайдыытыгар үрдүк ситиһиилээх үлэлэрин, улуус, нэһилиэк социальнай-экономическай сайдыытыгар тус кылааттарын иһин «СӨ муниципальнай сулууспатын бэтэрээнэ» бэлиэлэр туттарылыннылар. Толоон нэһилиэгин кылаабынай специалиһыгар Евдокия Романоваҕа СӨ Бырабыытылыстыбатын уурааҕынан Өрөспүүбүлүкэ социальнай-экономическай сайдыытыгар кылаатын, олохтоох бэйэни салайыныы тутулугар уонна сайдыытыгар өр сыллаах үлэтин иһин «СӨ муниципальнай сулууспатын туйгуна» бэлиэ иҥэрилиннэ.

Сунтаар нэһилиэгин баһылыгар Эдуард Филипповка Сунтаар улууһугар олохтоох бэйэни салайыныы туруктаах буолуутугар уонна сайдыытыгар үрдүк ситиһиилээх үлэтин иһин СӨ Бырабыытылыстыбатын махтал суруга туттарылынна.

 «Сунтаардааҕы лесничество»тэрилтэ бэтэрээнигэр Мария Гаврильеваҕа  айылҕа харыстабылын сайдыытыгар өр сыллаах, үтүө суобастаах үлэтин бэлиэтээн туран СӨ профсоюзтарын Федерациятын «Килбиэннээх үлэтин иһин» мэтээлинэн наҕараадаланна. Тойбохой нэһилиэгин КФХ салайааччытыгар Александр Поповка СӨ тыатын хаһаайыстыбатын Министиэристибэтин бирикээһинэн тыа хаһаайыстыбатыгар тус кылаатын, өр сыллаах үлэтин иһин «СӨ тыатын хаһаайыстыбатын туйгуна» бэлиэннэн наҕараадаланна.

Сунтаар нэһилиэгин 2 №-дээх «Сардаана» оҕо уһуйаанын логопедыгар Елена Ивановаҕа Сунтаар улууһун үөрэҕириитин ситимигэр өр сыллаах, үтүө суобастаах үлэтин иһин «Сунтаар улууһун үөрэҕириитин сыйдыытыгар кылаатын иһин» бэлиэннэн наҕараадаланна. В.Г. Павлов аатынан алын сүһүөх оскуолатын охраннигар Анатолий Семеновка «Сунтаар улууһун нэһилиэнньэтин харысхаллаах буолуутугар өҥөлөрүн иһин»бэлиэни туттардылар. Сунтаардааҕы почта сибээһин салаатын үлэһитигэр Антонина Сидороваҕа улуус дьоно-сэргэтэ социальнай өттүнэн харысхаллаах буоларыгар үлэтин иһин «Сунтаар улууһун социальнай араҥатын сайдыытыгар кылаатын иһин» бэлиэннэн наҕараадаланна. «Корона» фирма товароведыгар Таисия Еремееваҕа улуус общественнай үлэтигэр актыыбынай кыттыытын иһин Сунтаар улууһун Аҕа баһылыгын махтал суругун туттарылынна.

Сыл түмүгүнэн “Бастыҥ үлэлээх баһылык” күрэх түмүгэ биллэрилиннэ, ол курдук III степеннээх ДипломАллаҥа нэһилиэгин баһылыга Николай Спиридонов, II степеннээх ДипломСунтаар нэһилиэгин баһылыга Эдуард Филиппов, I степеннээх Диплом – Илимниир нэһилиэгин баһылыга Ипатий Иванов буоллулар.

Бүгүҥҥү үөрүүлээх кэрэ-бэлиэ түгэҥҥэ Сунтаардааҕы айылҕа харыстабылын үлэһиттэрэ тулалыыр эйгэни харыстыырга бэйэлэрин баҕаларынан «Зеленый пионер» этэрээтигэр киирбит 25 оҕоҕо хаалтыс иҥэрдилэр.

Аҕа дойдуну араҥаччылаан Улуу Кыайыыны аҕалбыт аҕа көлүөнэ албан аатыгар махтанан, сүгүрүйэн «Наследники Победы» бырайыак кыттыылаахтара уонна капитан Михаил Кириллин салайыылаах «Эр хоһуун» юнармеецтар 2020 сылга биллэриллибит Үйэтитии уонна сүгүрүйүү сылын бэлиэтин туттардылар.

***

Сунтаар улууһа (оройуона)” муниципальнайоройуон пресс-сулууспата

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»