Курс валют
$
74.36
0.99
90.41
1.44
Курс валют
Курс валют
$
74.36
0.99
90.41
1.44
Меню
Поиск по сайту

Сунтаарга дьаҥ ыарыытын утары охсуспут маҥан халааттаах аанньаллары наҕараадалаатылар

25.12.2020 13:30 0
Сунтаарга дьаҥ ыарыытын утары охсуспут маҥан халааттаах аанньаллары  наҕараадалаатылар

Ахсынньы 24 күнүгэр, Аан Дойдуну аймаабыт дьаҥ ыарыытын утары охсуспут улууспут маҥан халааттаах аанньалларын уонна күүс-көмө буолбут дьоммутун наҕараадалаатыбыт.


Улуус Аҕа баһылыга Анатолий Григорьев дьон-сэргэ иннигэр үрдүкү трибунаттан дьаҥ ыарыыны утары охсуһууга ис сүрэхтэриттэн кыһамньыларын ууран үлэлээбит үрүҥ халааттаах аанньалларга, улууспут туһааннаах тэрилтэлэригэр, урбаанньыттарга, общественниктарбытыгар уонна бэйэлэрин баҕа санааларынан күүс-көмө буолан волонтердаабыт ыччаттарга күнү-түүнү аахсыбакка, утуйары, сынньанары умнан туран көмөлөспүттэрин иһин истиҥ махтал тыллары анаата.

Салгыы, тэрээһин үөрүүлээх чааһыгар СӨ доруобуйа харыстабылыгар өр сыллаах үлэтин, дойду үрдунэн тарҕаммыт дьаҥ ыарыыны утары үлэҕэ тус кылаатын иһин «СӨ доруобуйа харыстабылын туйгуна» Бочуотунай бэлиэни Сунтаар оройуонун киин балыыһатын ковиднай отделениетын санитаркатыгар Любовь Авеловаҕа туттарылынна.

Сунтаар улууһун доруобуйа харыстабылын сайдыытыгар сүдү кылааттарын, үрдүк ситиһиилээх үлэлэрин иһин Сунтаар улууһун Бочуотунай грамоталарынан уонна үрүҥ көмүс бэлиэлэринэн Сунтаар улууһун кылаабынай бырааһын эмтиир үлэҕэ солбуйааччы Константин Павлов, Сунтаар оройуонун киин балыыһатын ковиднай отделениетын медицинскэй сиэстэрэтирэтэ Нюрбина Степанова, Сунтаар оройуонун киин балыыһатын суһал көмө эпидбригада суоппара Владимир Максимов уонна Сунтаар оройуонун киин балыыһатын терапевтическай отделениетын медицинскэй сиэстэрэтэ Мира Гуринова наҕараадаланнылар.

Сунтаар улууһун доруобуйатын харыстабылыгар үрдүк өҥөлөөх, өр сылларга нэһилиэнньэ доруобуйата чөл туруктаах буоларыгар таһаарыылаах үлэлэрин иһин «Сунтаар улууһугар доруобуйа харыстабын сайдыытыгар кылаатын иһин» Бочуотунай бэлиэлэри Сунтаар улууһун киин балыыһатын эпидемиолог бырааһыгар Марианна Яковлеваҕа, Сунтаар улууһун кылаабынай бырааһын тэрийэр үлэҕэ солбуйааччы Нюргустана Тимофееваҕа, Сунтаар оройуонун киин балыыһатын клинико-диагностическай лаборатория сэбиэдиссэйигэр Вилюя Тойтоноваҕа уонна Сунтаар оройуонун киин балыыһатын реанимация отделениетын медицинскэй сиэстэрэтигэр Саргылана Поповаҕа туттардылар.

Үтүө санааннан салайтаран Дойду үрдүнэн тарҕаммыт дьаҥ ыарыыны утары охсуһууга сүдү кылааттарын иһин Сунтаар улууһун грамоталарынан доруобуйа харыстабылын, улуус дьаһалтатын, үөрэҕирии, култуура салаатын үлэһиттэрэ, ону сэргэ С.А Зверев – Кыыл Уола аатынан улуустааҕы норуот айымньыта киинин коллектива, Сунтаардааҕы сокуоннай саастарын ситэ илик оҕолору реабилитациялыыр “Кэскил” социальнай киин коллектива, Сунтаардааҕы технологическай колледж коллектива, Сунтаардааҕы олорор дьиэ-уот, коммунальнай хаһаайыстыбатын коллектива, улуус общественниктара наҕараадаланнылар.

Дьаҥ ыарыыны утары үлэҕэ көмөлөрүн, тус кылааттарын иһин Сунтаар улууһун махтал суруктара Сунтаардааҕы оҕо сайдар киинин коллективыгар, Сунтаардааҕы Коррекционнай оскуола-интернат коллективыгар, Сунтаардааҕы санаторнай оскуола-интернат коллективыгар, Сунтаар нэһилиэгин №1дээх «Туллукчаан», №2дээх «Сардана» уонна №7дээх «Солнышко» оҕо сааттарын коллективыгар туттарылыннылар.

***

«Сунтаар улууhа (оройуона)» муниципальнай оройуон дьаһалтатын пресс – сулууспата.

Оставить комментарий    

Россельхозбанк
АЯМ