Сунтаарга бэтэрээннэри эҕэрдэлээтилэр

Ахсынньы 28 күнүгэр, улууспут ытык кырдьаҕастарын, Аҕа Дойдуну көмүскээбит уоттаах сэрии бэтэрээннэрин Сунтаар нэһилиэгин бэтэрээнин 94 саастаах Дмитрий Яковлевич Григорьевы уонна Сиэйэ нэһилиэгин бэтэрээнин 98 саастаах Прокопий Афанасьевич Степановы кэлэн иһэр саҥа дьылынан СӨ Ил Дарханын уонна улуус Аҕа баһылыгын, ону сэргэ «Биир Ньыгыл Россия» политическай партия бэлэхтэрин улуус Аҕа баһылыга Анатолий Григорьев уонна баһылыгы социальнай уонна имиджевай политикаҕа солбуйааччы Гаврил Еремеев туттардылар.

Киэн туттар дьоммутугар биһиги былыта суох халлаан анныгар дьоллоох олохпутун түстээн, Кыайыыны уһансыбыттарыгар махтанан туран үүммүт сылга бары үтүөнү, этэҥҥэ буолууну баҕардылар.

***

«Сунтаар улууһа (оройуона)» муниципальнай оройуон дьаһалтатын пресс- сулууспата.