Сунтаарга 240 миэстэлээх саҥа оҕо саадын дьиэтин тутуута  саҕаланна

Улууспут киинигэр “РТС” түөлбэҕэ 240 миэстэлээх саҥа оҕо саадын дьиэтин тутуута  саҕаланна. 

Бүгүҥҥү үрдүк үөрүүлээх өрөгөйдөөх күҥҥэ Сунтаар улууһун Аҕа баһылыга Анатолий Григорьев, Сунтаар нэһилиэгин баһылыга Эдуард Филиппов, үөрэҕирии саламтатын салайааччыта Альберт Иванов уонна “РТС” түөлбэтин олохтоохторо саҥа тутулла турар эбийиэк паспорын арыйыы сиэригэр кыттыыны ыллылар.

Саҥа оҕо саадын тутуута «Демография» национальнай бырайыакка олоҕуран барар. Тутууну ООО “КИНГ 95”  тэрилтэ тохсунньу ыйтан саҕалаабыт, быйыл сыл бүтүүтэ силигэ ситэриллэн кырачааннарга аанын арыйыа.