Сунтаарга 18 МВт кыамталаах саҥа муодульнай котельнай тутулла турар

Сэтинньи 25 күнүгэр, СӨ ДьУоХХ уонна энергиэтикэ миниистирэ Дмитрий Садовников миэстэтигэр тоҕоостоох боппуруостары быһаарса оробуочай сырыыннан Сунтаар улууһугар кэллэ.

Улуус Аҕа баһылыга Анатолий Григорьев, Сунтаардааҕы «ОДьКХ» филиалын салайааччыта Михаил Петров уонна нэһилиэк баһылыктара төгүрүк остуол тула сүбэ мунньах ыыттылар.

Мунньахха сүрүннээн “Бүлүү сүнньүн улуустарыгар 2019-2024 сс. уунан хааччыйыыны сайыннарыы” бырагыраама иитинэн ыытыллыахтаах үлэлэр боппуруостарыгар болҕомто уурулунна. Министр улууска олорор дьиэлэргэ уонна социальнай эбийиэктэргэ ититии бэриллиитин үлэтин тэтимэ график быһыытынан барбытын биһирии бэлиэтээтэ.

Салгыы Сунтаар нэһилиэгэр саҥа тутуллуохтаах 18 МВт кыамталаах саҥа муодульнай котельнай тутуутун үлэтин хамнааһынын көрдүлэр-иһиттилэр.

***

«Сунтаар улууһа (оройуона)» муниципальнай оройуон дьаһалтатын пресс-сулууспата.