Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

“Сунтаардар волейболу күргүөмунэн оонньуубут!”

13.02.2018 11:52 1
“Сунтаардар волейболу күргүөмунэн оонньуубут!”

Волейбол – дьон сөбүлээн оонньуур спордун көрүҥэ. Сунтаарга бу өрөбүллэргэ, икки күн устата үс волейбол күрэҕэ тэрилиннэ.

Сунтаар нэһилиэгин ыччата быйылгы тэрээһинин волейболтан саҕалаата. Алта хамаанда бастыҥ иһин кииристилэр. Манна устудьуоннар, аэропорт, оскуола, култуура үлэһиттэрэ бааллар. «Сайдыс» култуура эйгэтин эдэр үлэһиттэрин хамаандата быйыл саҥа тэринэн киирсэр. Бастакы сырыы диэтэххэ үһүс миэстэ диэн улахан ситиһии, иккиһи Сунтаардааҕы технологическай колледж устудьуоннара ситистэ, 1 миэстэни 1№дээх оскуола үлэһиттэрэ ыллылар.

Оттон «Алмаз» манежка бастакы күнүгэр дьокутааттар спартакиадалара тэрилиннэ: волейбол, ыстаныы, дартс уонна баскетольнай мээчиги быраҕыы көрүҥнэргэ түөрт бөлөх күрэхстэстэ. Бастакы миэстэ – Сиэйэ куустата, иккис миэстэ – Кириэстээх куустата, үһүс миэстэ Бордоҥ куустата буоллулар. Иккис күнүгэр Сунтаар нэһилиэктэрин, түөлбэлэр икки ардыларыгар волейбол күрэҕэр эр киһи, дьахтар хамаандалара уопсайа 44 хамаанда кытынна. Бу көрүҥ «Олоҥхо дойдутун оһуордаах оонньуута» бэстибээлгэ киирсэринэн кыттааччы олус элбэх буолан түүннэри оонньоотубут. Кыра нэһилиэктэргэ 1 миэстэ – Күүкэй, 2 миэстэ Түбэй, 3 миэстэ – Хоро, орто нэһилиэктэргэ  1 миэстэ Бүлүүчээн, 2 миэстэ Кэмпэндээйи
3 миэстэ Түбэй Дьаархан, улахан нэһилиэктэргэр 1 миэстэ – Кутана, 2 миэстэ – Элгээйи, 3 миэстэ Күндэйэ буоллулар.

Дьокутааттар спартакиадаларыгар, нэһилиэктэр икки ардыларыгар волейбол күрэҕэр баһылыктар бэйэлэринэн бастакы кэккэҕэ сылдьалларын көрөн киһи үөрэр.

Нэһилиэктэр икки ардыларыгар күрэххэ 44 хамаанда, ыччаттарга 6, дьокутааттарга 4 хамаандалар кыттан бу икки күҥҥэ 488 киһи мээчиги сырсан, волейбол оонньуутун күргүөмүнэн оонньоон спорду өрө тутабыт.

***

Мария КОБЕЛЬЯНОВА – ТУСКУЛААНА

Обсуждение • 1

Добавить комментарий
  1. Күрэх кыттыылааҕа

    Көннөрүү: Орто нэһилиэктэргэ 1 миэстэ Бүлүүчээн
    2 миэстэ Кэмпэндээйи
    3 миэстэ Түбэй Дьаархан

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»