Сунтаардааҕы технологическай колледж саҥа дириэктэрдэннэ
Алтынньы ый 30 күнүгэр, Сунтаар улууһун Аҕа баһылыга Анатолий Григорьев, баһылыгы социальнай уонна имиджевай политикаҕа солбуйааччы Гаврил Еремеев уонна тутуу комплексын управлениятын салайааччыта Иван Егоров Сунтаардааҕы технологическай колледж саҥа дириэктэрин Гаврил Михайлову көрсөн инникитин саҥа идэлэргэ үөрэтии боппуруоһугар сүбэ мунньах ыыттылар.
Улууска сылын аайы араас нэһилиэктэринэн тутуу үлэтэ тиһигин быспакка далааһыннаахтык барар, билигин дьаҥ ыарыыта турбут уустук кэмигэр тастан исписсэлиистэр үлэлии кэлэллэригэр араас ыарахаттар көрсөллөр. Онон сиэттэрэн колледж техническай базатын хаҥатан, саҥа үөрэхтэри арыйарга сыал-сорук ууран олохтоох дьону тутууга ирдэнэр специальностарга үөрэтэр курдук үлэ ыытыллыа.
Ону таһынан былырыын атырдьах ыйыгар алмаастаах кыраай киин куоратыгар Мииринэйгэ аан бастакытын ыытыллыбыт “Нефтегазовый форум Республики Саха (Якутия)” СӨ бырамыысалыннаска уонна геологияҕа министиэристибэтэ, СӨ бырамыысалынай атыы-эргиэн балаатата уонна Акционернай хампаанньа «Сахатранснефтегаз» Сунтаардааҕы технологическай колледжка нефть уонна газ хайысхатыгар үөрэх таһымын үрдэтиигэ бииргэ үлэлииргэ уһун болдьохтоох сөбүлэҥ түһэрсэннэр билигин колледж базатын ситэрэн-хоторон эбии техническэй профиль эбэн нефть уонна газ үөрэхтээһин хайысхаларыгар үөрэтэр былааннанар.
***
«Сунтаар улууһа (оройуона)» муниципальнай оройуон дьаһалтатын пресс-сулууспата
Не пропустите
Шиномонтаж Левша
Cтоматология 32
Оставить комментарий