Курс валют
$
73.14
0.05
86.99
0.13
Курс валют
Курс валют
$
73.14
0.05
86.99
0.13
Меню
Поиск по сайту

Сунтаардааҕы Сергей Зверев аатынан түмэл пуондата хаҥыыр

27.02.2021 09:37 0
Сунтаардааҕы Сергей Зверев аатынан түмэл пуондата хаҥыыр

Сунтаар улууһун С.А.Зверев аатынан холбоһуктаах түмэлин пуондатын харайааччы Эмма Васильева мусуойга олус сыаналаах бэлэх киирбитин туһунан кэпсээн туран, Маар Күөл олохтоохторугар махталын биллэрэр.


– Маар Күөл нэһилиэгин олохтоохторо Светлана Спиридоновна Сидорова уонна Валентина Кирилловна Петрова С.А.Сибиэрэп–Кыыл Уола аатынан түмэлигэр ХХ үйэ саҕаланыытыттан туттулла сылдьыбыт дьиэ малларын бэлэх ууннулар: тириини таҥастыырга туттуллар – кыһыах, кылгас уктаах удьаа, нэһилиэк биллиилээх, дэгиттэр тимир ууһа Лахса Дьөгүөр охсон оҥорбут өтүүгэ уонна иҥэһэтэ, С.П.Восков аатынан собуот оҥорбут илии устурууһа, саҥанан сылдьар 1975 сыллаах грузинскай билииккэ чэйэ кытта баар. Дьэ уонна биһиги, түмэл үлэһиттэрэ, урукку сыллартан көрдөөн була сатаабыт былыргы кистэлэҥ ааннардаах иһит ыскааппытын бэлэхтээн үөрүүбүтүн үксэттэ. Светлана Спиридоновна ийэтэ Ксения Ивановна Аллыҥаттан сүктэн кэлбит малларыттан биирдэстэрэ буолар. Кини Кутурук Уйбаан диэн норуот эмчитэ, сэниэлээх ыал кыыһа эбит.

Иккис ыалбыт Петровтар дьиэ кэргэн аҕа баһылыга мындыр толкуйдаах, илиитигэр талааннаах, нэһилиэк биир бастыҥ элиэктиригэ Кирилл Герасимович Петров (1929-2011) оҥорон хаалларбыт остуолун кыыһа Валентина Кирилловна бэлэхтээтэ. Бу остуолга биир да тимир тоһоҕо туттуллубакка оҥоһуллубута кэрэхсэбиллээх.

у курдук дьоннорун сырдык ааттарын ааттата сылдьар үтүө дьоммут инникини санаан улууспут түмэлэ сайдарыгар, пуондата байарыгар төһүү күүс буолалларыттан биһиги, түмэл үлэһиттэрэ махталбытын биллэрэбит. Санааҕыт сандаардын, үйэҕит уһаатын, олоххут уйгу чорооно толору кымыстаах буолуохтун!

***

Яина Власьева

Оставить комментарий    

Россельхозбанк
АЯМ