Сунтаар улууһун Аҕа баһылыгын дуоһунаһыгар киирэр сиэр-туом ыытылынна
Балаҕан ыйын 13 күнүгэр биир кэлим куоластааһын ыытыллан, бэйэтин сатабыллаах салайааччы быһыытынан көрдөрөн, улууһун дьонун-сэргэтин итэҕэлин ылан, иккис төгүлүн эрэллээхтик улуус Аҕа баһылыгынан талыллыбыт Анатолий Григорьевка дьиҥ Аҕа баһылык буолбутун туоһулуур дастабырыанньаны туттардылар.
Анатолий Васильевич Сунтаар улууһун сайдар суолга салайыам, дьон-сэргэ айар-тутар, үлэлиир-хамсыыр күүһүн түмэн, биир сомоҕо буоларбыт туһугар үлэлиэм-хамсыам диэн улууһун олохтоохторугар мэктиэ тылын биэрдэ.
Бүгүҥҥү бэлиэ күн ыалдьыттара Ил Түмэн дьокутаата Андрей Николаев, ХЭУо “Арктик-Капитал” тэрилтэ генеральнай дириэктэрэ Матвей Евсеев, нэһилиэк баһылыктара уонна улууспут тумус туттар дьоно Аҕа баһылыкка үрдүк таһаарыылаах, үтүө эрэ түмүктэрдээх үлэни баҕардылар.
***
“Сунтаар улууhа (оройуона)” муниципальнай оройуон дьаһалтатын пресс – сулууспата
Оставить комментарий