Курс валют
$
90.99
0.06
98.78
Курс валют
Курс валют
$
90.99
0.06
98.78
Меню
Поиск по сайту

Сунтаар улууһугар Саха Өрөспүүбүлүкэтин Бырабыыталыстыбатын 2019 сыллаах үлэтин отчуота түмүктэннэ

13.03.2020 10:36 5
Сунтаар улууһугар Саха Өрөспүүбүлүкэтин Бырабыыталыстыбатын 2019 сыллаах үлэтин отчуота түмүктэннэ

Кулун тутар 12 күнүгэр, Бырабыыталыстыба чилиэттэрэ түөрт бөлөҕүнэн арахсан үлэлээтилэр. Бастакы бөлөх Кириэстээх, Тойбохой уонна Аллаҥа, иккис бөлөх Хордогой, Наахара уонна Куокуну, үһүс бөлөх Кэмпэндээйи, Устье уонна Туойдаах, төрдүс бөлөх Күүкэй, Толоон уонна Хоро нэһилиэктэригэр отчуоту туруорда.


Улуус олохтоохторо СӨ Бырабыыталыстыбатын 2019 сыллаах үлэтин-хамнаһын түмүгүн туһунан отчуотун истэн баран бэйэлэрин боппуруостарын уонна этиилэрин киллэрдилэр. Кэпсэтиигэ сүрүннээн доруобуйа харыстабылын, тутуу уонна тыа хаһаайыстыбатын эйгэтин таарыйдылар. Нэһилиэктэр аайы сытыытык балыыһа боппуруоһа күүскэ турда. Ол курдук, аныгы кэмҥэ интернет ситиминэн “электронная очередь” ньыма ситэтэ суоҕун, улууска эмптэнэ киирбит киһи күн устата бырааска приемҥа киирбэккэ хаалар түбэлтэлэрэ баалларын бэлиэтээтилэр.

Улуус үрдүнэн билиҥҥи туругунай тыа сиригэр медицинскай тэриллэр эргэрбиттэрин уонна эдэр исписсэлиистэр суохтарын, үксүлэрэ саастаах дьон үлэлииллэрин ыйдылар.

Доруобуйаларынан хааччахтаах дьоҥҥо ханнык федеральнай льготаларынан туһаныыны туоһуластылар.

Кириэстээх нэһилиэгигэр отчуокка ыаллыы сытар нэһилиэктэртэн бэрэстэбиитэллэр ананан кэлэн кыһалҕалаах боппуруостарын туруорустулар. Ол курдук, Куокунуттан кэлэн эмптэнэллэригэр круглосуточнай стационары, Хордогойтон аварийнай туруктаах балыыһа хаһан өрөмүөҥҥэ барарын уонна акушер быраас тийбэтин, Наахаралар экология киртийиитигэр дьоннор доруобуйаларын көрдөрүнэллэригэр нэһилиэнньэҕэ сылга биирдэ медицинско-биологическай экспедиция кэлэн барарын көрдөстүлэр.

Тыа хаһаайыстыбатыгар туһаайыллыбыт боппуруостар,  бары нэһилиэктэр олохтоохторо улууска “Россельхозбанк” суоҕа уустугун бэлиэтээтилэр. Холобур чэпчэтиилээх кредит ылааһына этиллибит баан эрэ нөҥүө сатанарын, ол туһуттан Ньурбаҕа эбэтэр Дьокуускай куоракка барар кыһалҕалар баалларын ыйдылар.

Тыа хаһаайыстыбата биһиги улууска сүрүн салаа буоларынан атын улуустары кытта уопут атастаһа нэһилиэк баһылыктарыгар уонна туһааннаах исписсэлиистэргэ семинар ыыталлара булгуччулааҕын эттилэр, инникитин Бүлүү Эбэҕэ күргэ тутулуннаҕына Мииринэй куораты кытта быстала суох бэйэ бородууксуйаны батарыыга үлэлэһэр кэскиллээҕин бэлиэтээтилэр.

СӨ тыатын хаһаайыстыбатын үтүөлээх үлэһитэ, айылҕа харыстабылын туйгуна, «Хотугу Сулус» уордьан кавалера Кириэстээх нэһилиэгин ытык кырдьаҕаһа Михаил Коколов өрөспүүбүлүкэ үрдүнэн үлэ бөҕөтө үлэлэммитин бэлиэтээн туран отчуоту биһириибин диэн биллэрдэ, Бырабыытылыстыба үлэһиттэригэр салҕыы ситиһиилээхтик үлэни баҕарда.

Тойбохой нэһилиэгэр, оттуур сир ууга барарыгар хоруу оҥорорго көмө, саҥа хотон тутуутун боппуруоһа, “Ньургуһун” оҕо саадын саҥа дьиэтин ситэрэргэ экспертизаны ааһан бырайыага ситтэҕинэ Инвест бырагырааммаҕа киирэн үлэлииргэ өйөбүл. Сэрии кэмин оҕолоругар көмө көрүллэригэр хас киһи хапсарын туоһуластылар, өрөспүүбүлүкэҕэ миграция боппуруоһугар хонтуруол баар дуо диэн уонна бэйэ бородууксуйаны тас дойдуга таһааран батарыыга төһө үлэ барарын туоһуластылар.

Тыа хаһаайыстыбатынан дьарыктанар урбаанньыкка чэпчэтиилээх нолуок уонна сылгы иитэр чааһынай дьоҥҥо инникитин  субсидия олохтоноро буоллар диэн дьон санаатын үллэстэр.

Аллаҥа нэһилиэгэр, сиэмэлээһин, оскуоланы бүтэрэр оҕолор биир кэлим эксээмэни туттара Тойбохой нэһилиэгэр баралларыгар, оҕолору таһар автобус туруорустулар, нэһилиэккэ уот кыамтата мөлтөҕүн ыйдылар, иһэр ууннан хааччыйыыны уонна 240 миэстэлээх саҥа хотон тутуутун боппуруоһун таарыйдылар.

Бэриллибит боппуруостарга министиэристибэлэр салайааччылара уонна туһааннаах тэрилтэлэр үлэһиттэрэ чопчу хоруйдары биэрдилэр, киирбит боппуруостар сорохторун салайааччылары кытта тус көрсөн, кыһалҕаларын чопчулаан, туруорсууларын суругунан киллэрэллэригэр сүбэлээтилэр. Отчуоттуур бөлөх салайааччыта Гаврил Витальевич улууспут дьонугар-сэргэтигэр Бырабыыталыстыба отчуотугар көхтөөхтүк кэлэн кыттыбыттарыгар махтанан туран, киирбит этиилэр бары боротокуолланан, боппуруостары быһаарарга хамыыһыйа тэриллэн үлэлиирин, бэйэтин өттүттэн хонтуруол баар буоларын иһитиннэрдэ, өрөспүүбүлүкэбит сайдарын туһугар биир санааннан сомоҕолоһон үлэлииргэ ыҥырда.

***

Сунтаар улууһа (оройуона)” муниципальнай оройуон дьаһалтатын пресс-сулууспата

Обсуждение • 5

Добавить комментарий
  1. Ньукуус

    Хайа, 5 сыана туруорбуттар дуу аны? Оннук буолумуна, таах тыллара эрэ буо.

  2. Искра

    Дьининэн сунтаар улууьугар ааспыт сылга элбэх улэ ыытыллыбыта, сана хотоннорго тиийэ, билигин суеьу иитиитигэр хас нэьилиэк аайы типовой хотон тутулларын ирдииллэрэ сеп буо, дьон уксэ бу конституция , Минздрав еттунэн лечу себулэспэкеэ олороро биллэр, балыыьалар тыа Сирин биир сурун боппурурстара, онон ити Борисова респ ыытар улэтин себулээбэттэрин кердербуттэрэ саамай сеп!!!

  3. Түмээс

    Сунтаар -Саха сирин биир саамай мелтех усулуобуйалаах улууһа. Эмп томп, транспорт, тутуу, интернет, медицина атын улуустартан 30 сыл хаалан иһэллэр.
    Дьон куотар да куотар. Эдэрдэр олохсуйуохтарын ба5арбыттарын да иһин олорорго олус ыарахан.

  4. Саха уола

    Былаас ойдоох дьон паар таhаардахтара

  5. Лекстер

    Сунтаар – Саха Сирин биир сис улууһа. Онно буолбут, буолан эрэр айгырааһын – бүттүүн Саха Сирин устунан биллэр айгырааһыннар. Ааспыт отчуоттар былаас уопсайынан мөлтөөн эрэрин, салайар дьаһаллар айгырааһыны тохтотуох оннугар күүркэтэн эрэллэрэ дьэҥкэтик көһүннэ. Онон күннээҕи үөрүү-көтүү, “отчуот олус һчһгэйдик барда” диэн дархаһыйыы : арыый эрдэ буолаайы…

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»