Сунтаар улууһугар Саха Өрөспүүбүлүкэтин Бырабыыталыстыбатын 2019 сыллаах үлэтин отчуота салҕанар

---

Бастакы бөлөххө улуус Аҕа баһылыга Анатолий Григорьев, СӨ Доруобуйа харыстабылын миниистирэ Елена Борисова, ТХМ сүөһү иитиитин, племенной үлэни кэтээн көрүү, кооперация уонна аччыгый хаһаайыстыбалар департаменын салайааччытын солбуйааччы Айаал Тимофеев, СӨ Дьарыктаах буолуу судаарыстыбаннай кэмитиэтин рыногы үөрэтэр уонна кэтээн көрөр салаа салайааччыта Георгий Борисов уонна улуус тэрилтэлэрин салайааччылара: улуустааҕы үөрэҕирии управлениетын салайааччытын солбуйааччы Елена Васильева, тыа хаһаайыстыбатын управлениетын исписсэлииһэ Григорий Тарояров, киин балыыһа кылаабынай бырааһа Светлана Иванова, тутуу комплексын управлениятын начальнига Иван Егоров, финансово-казначескай управление начальнига Евгений Егоров, Сунтаардааҕы РЭС ЗЭК АК «Якутскэнерго» тэрилтэ начаалынньыга Юрий Григорьев, нэһилиэнньэ социальнай харыстабылын управлениетын салайааччыта Георгий Фролов уонна нэһилиэнньэ дьарыктаах буолуутун киинин начаалынньыга Александр Николаев сылдьыстылар.

Иккис бөлөх СӨ Тыатын хаһаайыстыбатын миниистирэ Александр Атласов салайааччылаах Түбэй, Кутана уонна Күндэйэ нэһилиэктэринэн үлэлээтэ.

Бөлөххө улуус Аҕа баһылыгын экономическай сайдыыга уонна стратегическай былааннааһыҥҥа солбуйааччы Борис Васильев, СӨ Экологияҕа, сир баайын туһаныыга уонна ойуур хаһаайыстыбатыгар миниистири солбуйааччы Николай Додохов, СӨ тыраанспар уонна суол хаһаайыстыбатын миниистирин бастакы солбуйааччы Алексей Филиппов, Кытайга Россия атыы-эргиэн бэрэстэбиитэлистибэтин састаабыгар киирэр Саха Сирин бэрэстэбиитэлэ Степан Андреев уонна улуус тэрилтэлэрин салайааччылара: улуустааҕы үөрэҕирии управлениетын салайааччытын солбуйааччы Борис Васильев, киин балыыһа сэбиэдиссэйэ Виктория Данилова, Сунтаардааҕы экология харыстабылын начаалынньыгын солбуйааччы Борис Васильев, нэһилиэнньэ социальнай харыстабылын управлениетын сүрүн исписсэлииһэ Айталина Евсеева, “Сунтаар сонуннара” хаһыат дириэктэрэ Борис Николаев кыттыыны ыллылар.

Үһүс бөлөх СӨ Урбаан, атыы-эргиэн уонна туризм министиэристибэтин миниистири солбуйааччы Максим Прокопьев салайааччылаах Дьаархан, Маар-Күөл уонна Уһун-Күөл нэһилиэктэригэр отчуоту туруорда.

Бөлөххө улуус Аҕа баһылыгын бастакы солбуйааччы Николай Александров,  СӨ Үөрэҕин уонна наукатын миниистирин солбуйааччы Ньургуна Соколова, СӨ үбүн миниистирин солбуйааччы Гаврил Алексеев, СӨ “ОДьКХ” производственно-техническай управлениетын салайааччыта Павел Емельянов, үөрэҕирии саламтатын салайааччыта Альберт Иванов, баайга-дуолга сыһыаннаһыылар комитетын бэрэссэдээтэлэ Сергей Барамыгин, финансово-казначескай управление начальнигын солбуйааччы Розалия Иванова, киин балыыһа кылаабынай бырааһын солбуйааччы Марианна Корнилова, тыа хаһаайыстыбатын управлениетын сүрүн исписсэлииһэ Маргарита Яковлева уонна “Сунтаар сонуннара” хаһыат редакторын солбуйааччы Иван Чагдинскай сылдьыстылар.

Төрдүс бөлөх СӨ үлэ уонна социальнай сайдыы миниистирин бастакы солбуйааччы Иван Алексеев салайааччылаах Тэҥкэ, Бордоҥ уонна Илимниир нэһилиэктэринэн үлэлээтэ.

Бөлөххө улуус Аҕа баһылыгын социальнай уонна имиджевай политикаҕа солбуйааччы Гаврил Еремеев, СӨ баайга-дуолга уонна сир сыһыаннаһыыларыгар миниистири солбуйааччы Михаил Никифоров, СӨ тас сибээскэ министиэристибэтин норуоттар ыккардыларынааҕы быраап үлэтин тэрийэр салаа отделын салайааччыта  Иван Мартынов, ГКУ “Служба государственного Заказчика РС(Я) Иннокентий Петров уонна улуус тэрилтэлэрин салайааччылара: экономическай сайдыы управлениетын начаалынньыга Ия Ефремова, тыа хаһаайыстыбатын управлениетын начаалынньыгын солбуйааччы Прокопин Никитин, киин балыыһа сүрүн терапева Наталья Спиридонова, баайга-дуолга уонна сиргэ сыhыаннаhыылар кэмитиэт сүрүн исписсэлииһэ Сардаана Ксенофонтова, Сунтаардааҕы экология харыстабылын инспектора Алексей Тойтонов уонна “Сунтаар сонуннара” хаһыат редактора Гаврил Андреев кыттыыны ыллылар.

Отчуоттуур бөлөххө тыа сирин олохтоохторо дойду үрүнэн оптимизация буола турдаҕына тыа сиригэр дьону олохсутууга туох үлэ барарын, экология эйгэтигэр иһэр ууннан хааччыйыыны, олох – дьаһах өттүгэр дальневосточнай ипотеканы ону таһынан сельская ипотека диэни балаһыанньатын уонна ханнык бааннары кытта дуогабар түһэрсэри элбэх дьон интириэһиргээтэ, билигин дьиэлэр сыаналара эмискэ үрдүү турдаҕына Бырабыытылыстыба өттүттэн туох хонтуруол баарын туоһуластылар. Уотунан хааччыйыы, үгүс дьиэлэргэ отопление киирэн уот кыамтата нэһилиэктэргэ мөлтөҕүнэн сибээстээн саҥа трансформатордары туруоруу боппуруостара күүскэ турдулар.

Отчуокка сүрүннээн тыа хаһаайыстыбатыгар билиҥҥи кэмҥэ сыана үрдүү турдаҕына, тыа сирин олоҕун сайыннарарга ыанар ынах төбөтүгэр үүт харчыта үрдүүрэ хайаан да булгуччулааҕын этэллэр. Ону таһынан бэйэ хаһаайыстыбалаах  чааһынай ыалга саҥа дьиэ туттарга туох көмө көрүллэрин ыйыталастылар.

Ордук элбэх боппуруос доруобуйа харыстабылын эйгэтигэр туһаайылынна. Ол курдук, улууска уһук сытар нэһилиэктэр географияларын уонна климатическай уратыларын учуоттаан саҥа балыыһа тутуутугар көмө көрүллэрин, скорай массыынатынан хааччыйыы, «коронавирус» ыарыы тарҕаммыт кэмигэр эминэн хааччыныыны, гериатрия тэрилиннэҕинэ хас миэстэлээх буоларын уонна анализ туттарааһыныгар кыайан барбат дьоҥҥо дьиэттэн ылар буолалларын чопчуластылар.

Элгээйигэ эһиил нэһилиэк төрүттэммитэ 250 сыллаах үбүлүөйүн тэрийэн ыытарга хамыыьыйа тэрийэн Бырабыытылыстыба өттүттэн көмө күүтэллэрин биллэрдилэр. Музейга уонна оҕо саадыгар саҥа дьиэлэр тутууларын, твердые коммунальные отходы өттүгэр балаһыанньа табыгаһа уонна ситэтэ суоҕунан сибээстээн федеральнай сокуоҥҥа уларытыыга этиилэри киллэрэри, ону таһынан нэһилиэк олохтоохторо бары чааһынай дьиэлэргэ олорботторун уонна сааһырбыт дьону учуоттаан уопсай баанньык тутуутун туруорустулар.

Муниципальнай сулууспа үлэһиттэрин хамнастара хаһан эбиллэрин туоһуластылар.

Сиэйэҕэ отчуотка Аҕа Дойдуну көмүскээбит уоттаах сэрии бэтэрээнэ, нэһилиэк ытык кырдьаҕаһа 98 саастаах Прокопий Афанасьевич Степанов бэйэтинэн кэлэн  санаатын үллэһиннэ. Кинини отчуоттуур бөлөх салайааччыта Гаврил Витальевич Улуу Кыайыы 75 сылынан эҕэрдэлээн Дойдубут Президена Владимир Путин уонна СӨ Ил Дархана Айсен Николаев олохтообут Кыайыы үбүлүөйүнэй мэдээллэрин туттарда. Олохтоохтор култуурунай-спортивнай комплексы ситэрэр тутууну туруорустулар.

Түбэй-Дьаархаҥҥа отчуот кэнниттэн кэлбит бөлөх оҕо саадыгар сылдьан ыытыллыахтаах өрөмүөн үлэтэ ситэриллибэтэҕин көрдүлэр-иһиттилэр, бу боппуруоһу күүстээх хонтуруолга ылыахпыт диэн быһаарыыны ыллылар

***

“Сунтаар улууһа (оройуона)” муниципальнай оройуон дьаһалтатын пресс-сулууспата