Сунтаар улууһугар  Кыайыы кыыһар Кыһыл Знамятын көрүстүлэр

Бүгүн, бэс ыйын 17 күнүгэр Сунтаар улууһугар  Улуу Кыайыы 75 сылын көрсө Аҕа дойду сэриитигэр хорсун быһыы, төрөөбүт дойдуга муҥура суох таптал ытык бэлиэтинэн буолбут Кыайыы кыыһар Кыһыл Знамятын көрсүүтэ буолан ааста.

Уордьаны Сунтаар уонна Ньурба кыраныыссатыгар туттардылар, көрсөр бөлөххө – Сунтаар улууһун Аҕа баһылыга Анатолий Григорьев,  Сунтаар улууһун баһылыгын социальнай уонна имиджевэй бэлиитикэҕэ солбуйааччы Гаврил Еремеев,  улуустааҕы бэтэрээннэр сэбиэттэрин бэрэссэдээтэлэ Афанасий Васильев уонна «Биир Ньыгыл Арассыыйа» баартыйа Сунтаардааҕы олохтоох отделениетын исполкомун салайааччыта Борис Уларов.

 Салгыы Сиэйэ нэһилиэгэр кэлэн, Улуу Кыайыыны уһансыбыт сэрии бэтэрээнэ Прокопий Степанов көрүстэ.

Дьон-сэргэ тоҕуоруһан Улуу Кыайыы Знамятын уруйдаан-айхаллаан көрүстүлэр.

Знамя 10 күн устата улууспут нэһилиэктэринэн эргийэн, салгыы Мииринэй куорат диэкки айанныаҕа.

Кэм-кэрдии аастаҕын аайы Ийэ дойду Улуу сэриитигэр Улуу Кыайыы суолтата өссө үрдээн иһэр. Өһөҕөйдөөх өстөөҕү үлтүрүтүүгэ Ийэ дойдуларын, норуоттарын, кэнэҕэски көлуөнэлэр кэскиллэрин алдьархайтан быыһаспыт хорсун буойуттарбыт сырыылара мэлдьи холобур буолуоҕа.

***

«Сунтаар улууhа (оройуона)» муниципальнай оройуон дьаһалтатын пресс – сулууспата