Сунтаар улууһугар өссө биир саҥа эбийиэк үлэҕэ киирдэ

Күндэйэҕэ тыа сирин биир кэлим сайыннарыы федеральнай тосхолунан саҥа уһуйаан үлэҕэ киирдэ. Үөрүүлээх арыллыыга Саха Сирин Правительствотын Председателин солбуйааччы Михаил Никифоров, Ил Түмэн Депутаата Андрей Николаев, Тыа хаьаайыстыбатын министирин солбуйааччы Прокопий Николаев уонна Сунтаар улууьун Аҕа баһылыга Анатолий Григорьев кыттыыны ыллылар.

Аныгы ирдэбилгэ толору эппиэттиир 50 миэстэлээх таас эбийиэги Анатолий Исаев салайааччылаах Главсторйкомплекс тэрилтэтэ тутан, бириэмэтигэр бүтэрдэ.

Биир сыл иһигэр түргэн болдьоҕунан тутуллубут тупсаҕай уһуйаан тутуутун хаачыстыбата тута харахха быраҕыллар. Сып-сылаас, сып-сырдык саҥа дьиэҕэ кырачааннар үөрэ-көтө дьарыктаныахтара. Бырайыага, көстүүтэ олус табыгастаах, дьэрэкээн уруһуйдарынан киэргэтиллибит, миэбэлэрэ, оборудованиелара барыта саҥалар.

Үчүгэйэ диэн бу программа чэрчитинэн ууну кутар бодобуоһу кытта ааҕан икки камаз массыыналар кэллилэр. Санатан этэр буоллахха, бу нэһилиэккэ социальнай эбийиэктэр барыта саҥа тутуулар.

***

Сунтаар улууһун дьаһалтатын пресс-сулууспата 

@suntaar_ulus